ޔޫރަޕްގެ ފަގީރު ގައުމުތަކަށް ގޭސް ސަޕްލައި ކަނޑާލައި، ރަޝިޔާއިން ގޭސް ހަތިޔާރެއްގެ ގޮތުގައި ގައުމުތަކަށް ފިއްތަން ބޭނުން ކުރަން ފަށައިފިއެވެ. ރަޝިޔާގެ ގާސްޕްރޮމް ކުންފުންޏާ މޯލްޑޯވާއާ ދެމެދު އުފެދުނު ދެބަސްވުމާ ގުޅިގެން ގާޒްޕްރޮމް އިން ވަނީ ގޭސް ސަޕްލައިކުރުން ހުއްޓާލާފައެވެ.
މޯލްޑޯވާއިން ވަނީ ފުރަތަމަ ފަހަރަށް، ރަޝިޔާގެ ގޭހަސް ބަރޯސާ ކުރުމުގެ ބަދަލުގައި ޕޮލެންޑުން ގޭސް އެތެރެ ކުރަން ފަށާފައެވެ. މީގެ ކުރިން މޯލްޑޯވާއިން އެތެރެކުރާ ސައްތައިން ސައްތަ ގޭހަކީ ރަޝިޔާއިން އެތެރެކުރާ ގޭހެވެ.
ގާސްޕްރޮމް އިން ވަނީ 700 މިލިއަން ޑޮލަރުގެ ބިލެއް މޯލްޑޯވާއަށް ފޮނުވާފައެވެ. މޯލްޑޯވާ ބުނާ ގޮތުން މި ބިލްގައިވާ އަދަދަކީ ސައްހަ އަދަދެއް ނޫނެވެ. އަދި އެއަދަދަށް ވާވަރަށް ގޭސް އެތެރެކޮށްފައެއް ނުވާނެއެވެ.
ރަޝިޔާގެ ރައީސް ޕޫޓިން ވިދާޅުވާ ގޮތުގައި އޭނާގެ ގައުމުން ގޭސް ހަތިޔާރެއްގެ ގޮތުގައި ބޭނުމެއް ނުކުރާނެއެވެ.
