އަޒަރްބައިޖާންގެ ނަގޯރްނޯ ކަރަބާޚްގައި ހަދާފައިވާ އެއަރޕޯޓް އަޒަރްބައިޖާންގެ ރައިސާއި ތުރުކީ ރައީސް އިފްތިތާޙު ކޮށްދެއްވައިފިއެވެ.
ކަރަބާޚަކީ އަރްމީނިއާއިން 30 އަހަރު ވަންދެން ހިފައިގެން އުޅުނު މުސްލިމުން ގިނަ ސަރަހައްދެކެވެ. 2020ގެ އޮކްޓޯބަރުގައި އަޒަރްބައިޖާނުން ފެށި ހަނގުރާމައިގައި ކަރަބާޚް ވަނީ މިނިވަން ކޮށްފައެވެ. އެއަށް ފަހު ކަރަބާޚްގައި އަޒަރްބައިޖާނުން ވަނީ އުމުރާނީ ތަރައްގީގެ މަސައްކަތްތައް ފަށާފައެވެ. އޭގެތެރޭގައި ހައިވޭތަކާއި މަގުތަކާއި އެއަރޕޯޓް ހެދުން ހިމެނެއެވެ.
ފަޒޫލީ އިންޓަރނޭޝަނަލް އެއަރޕޯޓަކީ އައިކާއޯއާއި އަޔާޓާގެ މިންގަނޑަށް އިމާރާތް ކޮށްފައިވާ އެއަރޕޯޓެކެވެ. ތިން ހާސް މީޓަރު ދިގު 60 މީޓަރު ފުޅާ ރަންވޭ އަށް ހުރިހައި ވައްތަރެއްގެ ބޯޓްތައް ޖެއްސޭނެކަމަށް އަޒަރުބައިޖާނުން ބުނެއެވެ. މި އެއަރޕޯޓުން ގަޑިއަކު 200 ފަސިންޖަރުންނަށް ޚިދުމަތް ދެވޭނެއެވެ.
