ލީބިޔާގެ ޑިކްޓޭޓަރު ގައްޒާފީގެ ދަރިފުޅު ސައިފުލް އިސްލާމް ރިއާސީ އިންތިޚާބުގައި ބައިވެރިވުމަށް ފޯމް ހުށަހަޅައިފިއެވެ.
ލީބިޔާގެ ރިއާސީ އިންތިޚާބަށް ހުރަސް އެޅުމަކާ ނުލައި އިންތިޚާބު ކުރިއަށް ގެންދިއުމަށް ދުނިޔޭގެ ގައުމުތަކުން ލީބިޔާ ސަރުކާރާއި ހަނގުރާމަވެރިންނަށް ގޮވާލާފައި ވެއެވެ.
ލީބިޔާގެ ރިއާސީ އިންތިޚާބު އޮންނާނީ ދެ ބުރަސެވެ. ފުރަތަމަ ބުރު އޮންނާނީ ޑިސެމްބަރު 24 ގައެވެ. ދެ ވަނަ ބުރު އޮންނާނީ އޭގެ 52 ދުވަސް ފަހުންނެވެ.
އުމުރުން 49 އަހަރުގެ ގައްޒާފީ އިންތިޚާބަށް ކުރިމަތިލިކަން ލީބިޔާ ސަރުކާރުން ވެސް ވަނީ ޔަގީން ކޮށްދީފައެވެ.
ގައްޒާފީއަށް ކެމްޕޭން ކޮށްދޭނެ ކަމަށް ބެލެވެނީ ޑުބާއީ މީޑިއާ ސިޓީގައި ހުންނަ އިޒްރޭލު ކުންފުންޏަކުންނެވެ.
ސައިފުލް އިސްލާމް ގައްޒާފީއަކީ އިންސާނިއްޔަތާ ދެކޮޅަށް ޖަރީމާތައް ހިންގިކަމުގެ ތުހުމަތުގައި ބައިނަލްއަގްވާމީ ކްރިމިނަލް ކޯޓަށް ބޭނުން ވެގެން ހޯދަން އިއުލާން ކޮށްފައިވާ މީހެކެވެ.
