ޔޫރަޕްގައި ހައްދުފަހަނައަޅާފައިވާ ކަނާތުފިޔާގެ މީހުން ބުރުގާއާ ދެކޮޅަށް ނިކުތުމުން ބުރުގާގެ ދިފާއުގައި ޔޫރަޕްގައި ފެށި ކެޕްމެއިން ހުއްޓުވުމަށް ފްރާންސްގެ ބަޔަކު މަސައްކަތް ކޮށްފިއެވެ.
ބުރުގާ އަޅާ މީހުންގެ ހައްގަށް އިޙުތިރާމު ކުރުމަށް ފަށާފައިވާ މި ކެމްޕޭންގައި ފްރޭމްގެ ދެފަރާތުން ދައްކައި ދެނީ ބުރުގާ އަޅާފައިވާ މީހަކާއި ބުރުގާ ނާޅާ މީހަކެވެ. "ބުރުގާ އެޅުމުގައި މީހާއަށް މިނިވަންކަން ލިބޭފަދައިން ރީތިކަމަކީ ތަފާތު ކަމުން އަންނަ އެއްޗެކެވެ." ކެމްޕޭންގައި ބޭނުންކޮށްފައިވާ އެއް ޝިއާރުގައި ބުނެފައި ވެއެވެ. ދުނިޔޭގައި އެންމެން އެއްވަތަރުވިނަމަ ހާދަ ފޫހިވީސްހޭ ވެސް އަހާފައި ވެއެވެ. މިކެމްޕޭންގައި “#JOYinHIJAB”. ހޭޝްޓެގްވެސް ބޭނުން ކޮށްފައި ވެއެވެ.
ކައުންސިލް އޮފް ޔޫރަޕުން ފަށާފައިވާ މި ކެމްޕޭންއާ ދެކޮޅަށް ފްރާންސުން ނިކުތުމުން މޮރޮކޯގެ ޒުވާނުންނާ ބެހޭ ވަޒީރާ ސާރާ އަލް ޚައިރީ ވަނީ، ފަރަންސޭސިން އަމިއްލަ އުސޫލުތައްވެސް މިހާރު ގަބޫލު ނުކުރާކަމަށް ވިދާޅުވެ މިއީ ހިތާމަ ކުރަން ޖެހޭފަދަ ކަމެއް ކަމަށް ސިފަ ކުރައްވާފައެވެ.
ފްރާންސްގައި މިކެމްޕޭނާ ދެކޮޅަށް ނިކުމެގެން އުޅެނީ ރިއާސީ އިންތިޚާބުގައި ވާދަކުރަން ގަސްތުކުރާ ފަރާތްތަކެވެ.
ފްރާންސްއިން ދެކޮޅު ހެދުމުން ކައުންސިލް އޮފް ޔޫރަޕުން މިކެމްޕޭން ހުއްޓާލުމަށް ނިންމުމުން ޔޫރަޕްގެ މުސްލިމުން ބުނެފައި ވަނީ މިއީ އެމީހުންގެ އިންސާނީ ހައްގާ ޚިލާފަށް ކައުންސިލް އޮފް ޔޫރަޕުން ކުރި ކަމެއް ކަމަށެވެ.
