އިންޓަރޕޯލްގެ އިސްމަގާމަށް ކުރިމަތިލާފައިވާ ޗައިނާގެ ކެންޑިޑޭޓާ ދެކޮޅަށް ދުނިޔޭގެ ގައުމުތަކުގެ ޕާލަމެންޓްތަކުގެ މެމްބަރުންނާއި އެކްޓިވިސްޓުން ހަރަކާތްތެރިވާން ފަށައިފިއެވެ. ޗައިނާގެ މިނިސްޓްރީ އޮފް ރަބްލިކް ސެކިއުރިޓީ ގެ ޑެޕިއުޓީ ޑިރެކްޓާ ޖެނެރަލް ހޫ ބިންޗެން ވަނީ އިންޓަރޕޯލްގެ އިސްމަގާމަށް ކުރިމަތި ލައްވާފައެވެ.
ހޫ ބިންޗެން ގެ ކެންޑިޑެސީއާ ދެކޮޅަށް ޕާލަމެންޓްތަކުގެ މެމްބަރުން ސޮއިކޮށްފައވާ ލިޔުން ޝާއިއުކޮށްފައި ވަނީ ފްރެންޗް ނޫސް ލިބަރާސިއޮން ގައެވެ.
ޗައިނާއަކީ އުއިގޫރު މުސްލިމުންގެ ދޮޅު މިލިއަނެއްހައި މީހުން ބަންދު ކޮށްގެން ގެންގުޅޭ ގައުމެކެވެ. އުއިގޫރު މުސްލިމުން ބޭރުގައުމުތަކުގައި އުޅޭ ގޮތްވެސް ޗައިނާއިން ބަލައި ހަދައެވެ. އިންޓަރޕޯލްގެ އިސްމަގާމަށް ޗައިނާގެ ހީ ބންޗެން ވަޑައިގެންފިނަމަ، އުއިގޫރު މީހުންނަށް އިތުރު އަނިޔާތަކާ ކުރިމަތިލާން ޖެހިދާނެ ކަމަށް މިކަމާ ދެކޮޅަށް ވާހަކަ ދައްކާ ފަރާތްތަކުން ދެކެއެވެ.
އެކްޓިވިސްޓުން ވަނީ ޗައިނާއިން އިންޓަރޕޯލްގެ ރެޑްނޯޓިސް ޗައިނާއިން ބޭނުންވާ ގޮތަށް އުއިގޫރު މީހުންނާ ދެކޮޅަށް ބޭނުންކުރާ ގޮތް ޑޮކިއުމެންޓް ކޮށްފައެވެ.
