ޕާކިސްތާންގެ ގިލްގިޓް ބޯލްޓިސްތާންގެ ހައިކޯޓުގެ ކުރީގެ އިސް ފަނޑިޔާރާއި ނޫސް އެޑިޓަރުންތަކަކާ ދެކޮޅަށް އިސްލާމް ހައިކޯޓުން މައްސަލައެއް ބަލަން ފަށައިފިއެވެ. މި މައްސަލާގައި ކޯޓަށް ހާޒިވުމަށް އަންގާފައިވާ ފަރާތްތަކަކީ، ގިލްގިޓް ބޯލްޓިސްތާންގެ ހައިކޯޓުގެ ކުރީގެ އިސްފަނޑިޔާރު ރާނާ މުހައްމަދު ޝަމީމުއާއި ޖަންގު ނޫހުގެ އެޑިޓަރ އިން ޗީފް މީރް ޝަކީލުއްރަޙުމާންއާއި ދަ ނިއުސް ނޫހުގެ އެޑިޓަރ އާމިރު ގޯރީއާއި ނޫސްވެެރިއާ އައްބާސް އަންސާރީ އަށެވެ.
މި ފަރާތްތަކާ ދެކޮޅަށް ބަލާ މައްސަލައަކީ ކުރީގެ ބޮޑު ވަޒީރު ނަވާޒް ޝަރީފްއާއި އޭނާގެ ދަރިފުޅު މަރިޒަމް ނަވާޒްގެ މައްސަލަ ކޯޓުގައި ހިނގަމުން ދިޔައިރު ޕާކިސްތާންގެ ކުރީގެ އުއްތަމަ ފަނޑިޔާރު ސާގިބު ނިސާރު، ގަސްތުގައި އެ މައްސަލަ ލަސް ކުރެއްވުމަށްޓަކައި ފަނޑިޔާރުންނަށް ނުފޫޒު ފޯރުއްވެވިކަމަށް ބުނާ މައްސަލައެކެވެ.
ޕާކިސްތާންގެ ހައިކޯޓުގެ އިސްފަނޑިޔާރު އަސަރު މިނަﷲ ވިދާޅުވެފައި ވަނީ މި މައްސަލާގައި އުއްތަމަ ފަނޑިޔާރު ސާގިބު ނިސާރު ނުފޫޒު ފޯރުއްވެވިކަމަށް ސާބިތު ވެއްޖެނަމަ، އެކަމުގައި ފިޔަވަޅު އެޅުއްވުމަށް ޖެހިލުންވެ ވަޑައި ނުގަންނަވާނެ ކަމަށެވެ.
އިސްލާމްއާބާދު ހައިކޯޓުން މިމައްސަލަ ބަލަނީ، ކޯޓުގެ ޙުރުމަތް ކަނޑާލި މައްސަލައެއްގެ ގޮތުގައެވެ. ޑޯން ނޫސް
މި ފަރާތްތަކުން މިމައްސަލާގައި ދެކޭ ގޮތުން ލިޔުމުން ކޯޓަށް ހުށަހެޅުމަށް މުއްދަތު ދީފައި ވަނީ މިމަހުގެ 26އާ ހަމައަށެވެ.
