ޕާކިސްތާނުން ނުރައްކާތެރި ޓެރަރިސްޓް ޖަމާއަތަކާ ސުލްހައިގެ ވާހަކަތައް ދައްކަމުންދާއިރު އެހެން ޓެރަރިސްޓް ޖަމާއަތަކުން ދަނީ އެވާހަކަތައް ކޮންޓްރޯލު ކޮށް ޕާކިސްތާން ސަރުކާރަށް ޝަރުތުތައް ކުރިމަތި ކުރަމުންނެވެ.
ޕާކިސްތާންގެ ޓްރިބިއުން ނޫހުން ރިޕޯޓް ކުރިގޮތުގައި މަސް ދުވަސްވެފައިވާ މަޝްވަރާތަކުގައި ތަހްރީކޭ ތާލިބާނޭ ޕާކިސްތާންގެ މަޝްވަރާތަކުގައި ޝަރުތުތައް ކަނޑައަޅަމުން ދަނީ ހައްގާނީ ނެޓްވަރކުންނެވެ.
ތަހްރީކޭ ތާލިބާނޭ ޕާކިސްތާން ޖަމާއަތަކީ ޓެރަރިސްޓް ޖަމާއަތެކެވެ. މިމީހުން އިސްލާމީ ޝަރީއާ ތަންފިޒުކޮށް، ފަރަންސޭސި ސަފީރު ޕާކިސްތާނުން ބޭރުކުރުމަށް މުޒާހަރާތައް ކޮށް، ހަމަނުޖެހުން އުފައްދައި މީހުން މަރައި ހަދާފައި ވެއެވެ. ޗައިނާގެ 19 މީހަކުވެސް މިޖަމާއަތުން މަރާފައި ވެއެވެ. ސަރުކާރުން ވަނީ މި ޖަމާއަތާއި މި ޖަމާއަތުގެ ބޮޑުންނާއި އެމީހުންގެ ސަޕޯޓަރުގެ ބަޔަކު ޖަލަށް ލާފައެވެ.
އިމްރާން ޚާންގެ ސަރުކާރު ބަލިކަށިވެގެން ދިއުމާއެކު ހަމަލަތަކާއި މުޒާހަރާތައް ހުއްޓުވުމަށް ބާރުއަޅުއްވަމުން، ޕާކިސްތާންގެ ދާޚިލީ ވަޒީރު ރަޝީދު އަހުމަދު ވަނީ ޖަލުގައި ޕާކިސްތާން ތާލިބާން ވެރިންނާ ވާހަކަ ދައްކާފައެވެ.
މިމީހުން ބޭނުން ވަނީ ތިން ވަނަ ގައުމެއްގައި އެމީހުންގެ ސިޔާސީ އޮފީހެއް ހުޅުވާށެވެ. މި ކަމަށް އެމީހުންނަށް ނަސޭހަތްތެރިވާ ފަރާތަކީ ހައްގާނީ ނެޓްވަރކެވެ.
ހައްގާނީ ނެޓްވަރކަކީ އަފްޣާނިސްތާންގެ ދާޚިލީ ވަޒީރު އަދި ކާބުލްގެ ސަލާމަތީ ކަންތައްތަކާއި ޖާސޫސީ އިދާރާ ބަލަހައްޓާ ހައްގާނީ އާއިލާގެ ޓެރަރިސްޓް ޖަމާއަތެވެ.
މިއީ އދން ޓެރަރިސްޓު ޖަމާއަތެއްކަމަށް ކަނޑައަޅާފައިވާ ބައެކެވެ. އަދި ސިރާޖުއްދީން ހައްގާނީ އަކީ އެމެރިކާގެ ވޯޓެޑް ލިސްޓްގެ މީހެކެވެ.
