ޗައިނާގައި 2022ގައި އޮންނަ ފިނިމޫސުމުގެ އޮލިޕިކްގައި ބައިވެރިނުވާން އެމެރިކާއިން ނިންމުމުން އިނގިރޭސިވިލާތުންވެސް އެފަދަ ފިޔަވަޅެއް އެޅުމަށް ވިސްނަމުންދާ ކަމަށް ބުނެފިއެވެ.
އިނގިރޭސިވިލާތުގެ ވިސްނުން ހުރީ ހަމައެކަނި އެމްބެސެޑަރު ފެންވަރުގައި ބައިވެރިވުމަށްފަހު އެނޫން އެހެން ފަރާތެއް އިނގިރޭސިވިލާތް ތަމްސީލު ނުކުރާ ގޮތަށެވެ. ޗައިނާގައި އިންސާނީ ހައްގުގެ ހުރުމަތް ކަނޑާލުމަކީ ސަބަބެއް ކަމަށް ވިދާޅުވެ، ބޮރިން ޖޯންސަން ބޮޑު ވަޒީރު ގެންދަވަނީ ޗައިނާގެ ވިންޓަރ އޮލިމްޕިކްގައި ބައިވެރިނުވުމަށް ވަކާލާތު ކުރައްވަމުންނެވެ. އިނގިރޭސި ޚާރިޖީ ވަޒިރުވެސް ގެންދަވަނީ މިކަމުގައި ޖޯންސަންގެ ޚިޔާލަށް ތާއީދު ކުރައްވަމުންނެވެ.
އާންމު ގޮތެއްގައި އޮލިމްޕިކް ހުޅުވާ ރަސްމިއްޔާތާއި ނިންމާ ރަސްމިއްޔާތަށް އެމެރިކާއިން ވަފްދެއް ފޮނުވައެވެ. ނަމަވެސް މިފަހަރު ވަފްދުގެ ފެންވަރު ދަށްކޮށްލައި ޑިޕްލޮމެޓިކް ބޯއިކޮޓްއަކަށް ދަނީކަމަށް އެމެރިކާއިން ވަނީ ބުނެފައެވެ.
އެމެރިކާގެ ކޮންގްރެސްއިން ސަރުކާރަށް ބާރުއަޅާފައިވަނީ ވިންޓަރ އޮލިމްޕިކް ބޯއިކޮޓް ކުރުމަށެވެ.
ޗައިނާގެ ސަރުކާރުގެ ތަރުޖަމާން ވަނީ އޮލިމްޕިކް ސިޔާސަ ކުރުމާ ދެކޮޅު ހަދާފައެވެ.
