ޕާކިސްތާންގެ ސިވިލްސާވިސްގެ އެންމެ މަތީ ފެންވަރުގެ މުވައްޒަފަކު ވެރިކަން ކުރާ ޕާޓީއާއި އިމްރާން ޚާންގެ ސަރުކާރަށް މީސްމީޑިއާގައި ފާޑު ކިޔުމުން އެކަން ތަހްގީގު ކުރުމަށް ޕާކިސްތާން ބޮޑު ވަޒީރު އިމްރާން ޚާން އަންގަވައިފިއެވެ.
ޕާކިސްތާން ސިވިލް ސާވިސް މުވައްޒްފުންނަކީ، މީސްމީޑިއާ ބޭނުން ކުރުން މަނާ ކޯށްފައިވާ ބައެކެވެ. އޮކްޓޯބަރު 25 ގައި ނެރެފައިވާ ސާކިއުލާއަކުން މިކަން ވަނީ މަނާ ކޮށްފައެވެ.
އިމްރާން ޚާން ވަނީ ސިވިލް ސާވިސްގެ މަތީ ފެންވަރުގެ މުވައްޒަފަކާ މީސްމީޑިއާގައި ސަރުކާރަށް ފާޑުކީ މުވައްޒަފުގެ މައްސަލަ ބެލުން ހަވާލު ކުރައްވާފައެވެ. އަދި 60 ދުވަސްތެރޭގައި ތަހުގީގު ނިންމުމަށްވެސް އަންގަވާފައި ވެއެވެ.
އިމްރާން ޚާންގެ ތަހްރީކޭ އިންސާފް ޕާޓީއަށް ފާޑުކިޔާފައިވާ މުވައްޒަފު ބުނެފައި ވަނީ އިމްރާން ޚާންގެ ޕާޓީގެ ސަރުކާރާއި ތާލިބާންގެ ސަރުކާރާ އެއްވެސް ތަފާތެއް ނެތް ކަމަށެވެ. ދެ ބައި މީހުންވެސް ވެރިކަން ހިންގާނެ ގޮތާމެދު ވިސްނަނީ ވެރިކަމަށް އައިސްގެންނެވެ. އަދި ދެބައި މީހުންވެސް އައިޑިއާ ލިބިގަންނަނީ ބާޒާރުމަތިންނެވެ.
އިމްރާން ޚާނަކީ ދައުލަތުގެ މުވައްޒަފުންގެ މައްސަލަ ބެލުމުގެ އެންމެ އިސްފަރާތްކަމުން، މި މުވައްޒަފު ހައްމާދު ޝާމީމީގެ މީސްމީޑިއާ ކޮމެންޓަކީ ސުލޫކީ މައްސަލައެއްގެ ގޮތުގައި ބެލެވޭނެ ކަމެއްކަމަށް ބުނެފައި ވެއެވެ.
