ނޮވެމްބަރ 24 ވަނަ ދުވަހު މުޅި މީސްމީޑިއާ ފަތަހަކުރީ 19 ވަނަ ފަންގިފިލާއިން ވެއްޓުނު 82 އަހަރުގެ ޗައިނާގެ އަންހެނެއްގެ ވީޑިއޯއެވެ. ވީޑިއޯއާ އާއެކު ނޫސްތަކު ގައިވަނީ ދެކުނު ޗައިނާގެ އަވަށެއްކަމަށްވާ ވިޔަންޗޯ ޕްރޮވިންސްގެ ޔަޏްގްޗޯ ސިޓީ ގައި ދިރުއުޅޭ އުމުރުން 82 އަހަރުގެ އަންހެނަކު އޭނާ ދިރިއުޅޭ އެޕާޓްމެންޓްގެ ބެލްކަނިން ވެއްޓުނު ޚަބަރެވެ.
މި މީހާ ބެލްކަނިން ވެއްޓުނީ އެއްޗިހި ހިއްކަން އަޅަންހުއްޓައެވެ. އެއްޗިހި ހިއްކަންއަޅަން ހުރި ހަރުގަނޑާވެސް އެކުގައެވެ. ރެސްކިޔޫ ޓީމު އައި އިރު މި އަންހެންމީހާ އޮތީ އެއްޗިހި ހިއްކަން އަޅަންގެންގުޅުނު ހަރުގަނޑާއެކު 18 ވަނަ ފަންގިފިލާއާއި 17 ވަނަ ފަންގިފިލާ އާއި ދޭތެރެއަށް އެލިފައެވެ. އޭނާ އަށް ހިފެހެއްޓިފައިހުރި ހަރުގަނޑު އޮތީ 18 ވަނަ ފަންގިފިލާގެ ބެލްކަނީގައި އަޅައިގެންފައެވެ. އެއީ އޭނާ އެއަށްވުރެ ތިރިއަށް ނުވެއްޓުމުގެ ސަބަބެވެ.
ރެސްކިޔޫ ޓީމުން މި ދުވަސްވީ އަންހެންމީހާ ސަލާމަތްކުރީ 17ވަނަ ފަންގިފިލާގެ ބެލްކަނީން ވަލެއްގެ އެހީގައެވެ. ޚަބަރުތަކުގައިވާގޮތުން މި ހާދިސާއިން އަންހެންމީހާއަށް އެއްވެސްގެއްލުމެއް ނުލިބެއެވެ.
