ޔޫގެންޑާގެ އެއަރޕޯޓް ޗައިނާއަށް ލިބިއްޖެއެވެ. ޔޫގެންޑާ ސަރުކާރުން ޗައިނާއަށް ދައްކަން ޖެހިފައިވާ ލޯނެއް ނު ދެއްކުމުގެ ސަބަބުން ޗައިނާއިން ވަނީ ޔޫގެންޑާގެ އެއަރޕޯޓް ނަގާފައެވެ.
ރައިސް ޔޫރީ މޮސޮވީނީ ވަނީ ޗައިނާއާއި ޔޫގެންޑާއާ ދެމެދު އޮތް އެއްބަސްވުމުގައި ހިމެނޭ ހަރުކަށި މާއްދާއެއް ބަދަލުކޮށް ދިނުމަށް އެދި ބެއިޖިންގއަށް ވަފްދެއްވެސް ފޮނުއްވާފައެވެ.
ޗައިނާއާއި ޔޫގެންޑާއާ ދެމެދު އެއްބަސްވެފައި ވަނީ ޗައިނާއަށް ލޯނު ނުދެއްކިއްޖެ ހާލަތެއްގައި އެންޓެބެ އެއަރޕޯޓާއި ޔޫގެންޑާގެ ސަރުކރުގެ އެހެން އެސެޓްތައް ޗައިނާއަށް ދޭގޮތަށެވެ. އެންޓެބޭ އެއަރޕޯޓަކީ ޔޫގެންޑާގެ ހަމައެކނި އެއަރޕޯޓެވެ.
މޮސޮވީނީ ބެއިޖިންގއަށް ފިނުއްވި ވަފްދުގެ ދަތުރުވެސް ނިމިގެން ދިޔައީ މަޝްވަރާތައް ކާމިޔާބު ނުވެއެވެ.
2015 ވަނަ އަހަރު ޔޫގންޑާގެ ސަރުކާރާއި ޗައިނާގެ އެގްޒިމް ބެންކާ ދެމެދު އެއްބަސްވީ ދެ ޕަސެންޓްގެ އިންޓަރެސްޓާއެކު 207 މިލިއަން ޑޮލަރު ދަރަންޏަށް ދޭ ގޮތަށެވެ. ވިހި އަހަރުގެ މި ލޯނަށް ހަތް އަހަރުގެ ގްރޭސް ޕީރިއަޑެއް އޮތެވެ.
ޔޫގެންޑާގެ ފައިނޭންސް މިނިސްޓަރ ވަނީ މިދިޔަ ހަފްތާގައި ޕާލަމެންޓްގައި ވާހަކަ ދައްކަމުން މި ލޯނުގެ ފައިސާއަށް ފަރުވާ ކުޑަ ކުރެވުނީ ކަމަށް ވިދާޅުވެ މައާފަށް އެދިވަޑައިގެންފައެވެ.
