ސޮލޮމަން އައިލެންޑްގައި ޗައިނާއާ ދެކޮޅަށް އާންމުން ނިކުމެ ތަންތާނގައި ހުޅުޖަހައި ހަމަނުޖެހުން އުފެއްދުމާ ގުޅިގެން އޮސްޓްރޭލިއާ ސިފައިން ސޮލޮމަން އައިލެންޑަށް ގޮސް ހަމަޖެހުން ގާއިމް ކޮށްދީފިއެވެ. ކުރިން ސޮލޮމަން އައިލެންޑަކީ ޓައިވާނާއެކު ސިޔާސީ ގުޅުން ގާއިމް ކޮށްގެން އުޅުނު ގައުމެކެވެ. ނަމަވެސް ޗައިނާއިން ގިނަ އަދަދަކަށް ފައިސާ ދީ، ސޮލަމަން އައިލެންޑްސްގެ ސިޔާސީ ފަރާތްތައް ގަނެލުމުން ޓައިވާނާ ގުޅުން ކަނޑާލައި ސަރުކާރުން ޗައިނާއާ ގުޅުން ގާއިމް ކުރީއެވެ.
ކޮރަޕްޝަންގެ ތުހުމަތުތައް ކުރެވޭ ސޮލަމަން އައިލެންޑްގެ ސަރުކާރުގެ މަގްބޫލުކަން ގެއްލި މީހުން ވަނީ ޗައިނާއާ ދެކޮޅުވެރި ޝުއޫރުތއް ފާޅުކުރަން ފަށާފައެވެ.
ސޮލޮމަންގެ ސަރުކާރުން އޮސްޓްރޭލިއާ ސިފައިން ފޮނުވައި ދިނުމަށް އެދުމުން، އެކަމާ މެދު ފުން ކޮށް ވިސްނުމަށްފަހު އޮސްޓްރޭލިއާއިން ގަޔާ ނުވެ އޮވެގެންވެސް ސިފައިން ފޮނުވީ ކަމަށް އޮސްޓްރޭލިއާގެ ސަރުކާރުގެ ފަރާތްތަކުން ބުނެއެވެ.
އޮސްޓްރޭލިއާއިން ސިފައިން ނު ފޮނުވައިފިނަމަ، ޗައިނާއިން ސިފައިން ފޮނުވަފާނެތީ އެފަދަ ފުރުސަތެއް ސަރަހަދުގައި ދޭން އޮސްޓްރޭލިއާ ބޭނުން ނުވީކަމަށްވެސް ސިޔާސީ ފަރާތްތަކުން ބުނެއެވެ.
ސޮލަމަން އިން ޓައިވާނާ ގުޅުން ކަނޑާލީ 36 ވަންދެން ސިޔާސީ ގުޅުން ދެމެހެއްޓުމަށްފަހުއެވެ.
ސޮލަމަންގައި ޗައިނާގެ ވިޔަފާރިތައް އަންދާލާފައި ވެއެވެ.
