ތާލިބާންގެ ފުރަތަމަ 100 ދުވަހުގެ ތެރޭގައި އަފްޣާނިސްތާންގެ 250 ނޫހާއި ރޭޑިއޯއާއި ޓީވީ ސްޓޭޝަންތައް ވަނީ ބަންދުކޮށްފައެވެ. ލޯބީގެ ޑްރާމާތައް ވަނީ ދުރަށް ދެއްކުން މަނާ ކޮށްފައެވެ. އަންހެނުން ހޯސްޓް ކުރާ ރޭޑިއޯޝޯ ތަކާއި އަންހެނުން ވާހަކަ ދައްކާ ޝޯތައް ވަނީ ހުއްޓާލާފައެވެ.
އަފްޣާނިސްތާންގެ އެންމެ މަޝްހޫރު އެއް ރޭޑިއޯ ސްޓޭޝަނެއް ކަމަށްވާ ރޭޑއޯ ސަންގާވެސް ވަނީ މިހާރު ބަންދުކޮށްފައެވެ. މިއީ އަންހެނަކު ހިންގާ ރޭޑިއޯ އެކެވެ. ދޮޅު މިލިއަނެއްހައި މީހުން ރޭޑިއޯ ސްޓޭޝަން އަޑު އަހައެވެ. މި ސްޓޭޝަނަކީ މަދު މުވައްޒަފުން ލައިގެން ހިންގި ތަނެކެވެ. ނަމަވެސް ތާލިބާން އައުމާއެކު ސްޓާފުންގެ ތިންބައިކުޅަ އެއްބައި މީހުން ވަނީ ވަޒީފާއިން ކަނޑާލާފައެވެ.
މި ސްޓޭޝަނަށް ތާލިބާނުން އަންގާފައި ވަނީ އެއްވެސް އެއްޗެއް ބްރޯޑްކާސްޓް ކުރުމުގެ ކުރިން އެމީހުންނަށް ދައްކައި ހުއްދަ ހޯދާށެވެ. އެހެންވެ މި ސްޓޭޝަނުން އިއްވަމުން ގެންދިޔައީ ތާލިބާނުން ހުއްދަ ދީފައިވާ ސްޓޭޝަންތަކުން ކިޔާ ޚަބަރުތައް ކޮޕީ ކޮށްގެން އެ ޚަބަރުތަކެވެ.
ތާލިބާނުން އަފްޣާނިސްތާންގެ ވެރިކަން ހިފުމުން ނޫސްވެރިންގެ 70 ޕަސެންޓް މީހުންގެ ވަޒީފާތައް ވަނީ ގެއްލިފައެވެ.
