އިންޑިއާއިން ވަނީ އަފްޣާނިސްތާނަށް އިންސާނީ އެހީ ފޮނުވައި ދިނުމަށް ތައްޔާރު ވެފައެވެ. ޕާކިސްތާނުން އެއް ގަމު މަގުން އެހީ ގެންދިއުމަށް ހުއްދަ ދިނުމާއެކު އިންޑިއާއިން ދަނީ ޕާކިސްތާނާ ގުޅިގެން އެހީ ގެންދާނެ ގޮތުގެ ތަފްސީލްތަކަށް މަޝްވަރާ ކުރަމުންނެވެ.
އިންޑިއާއިން އެދިފައި ވަނީ ޕާކިސްތާނުން އެހީ ދިނުމާއި ގެންދިއުމާއި އުފުލުގައި ޝަރުތުތައް ކުރިމަތި ނުކުރުމަށެވެ.
އިންޑިއާއިން ރާވަމުން ގެންދަނީ ވަގާހް އަޓާރީ ބޯޑަރުން ލައިގެން ޕާކިސްތާންގެ އެއްގަމު މަގުން އަފްޣާނިސްތާނަށް އެހީ ފޯރުވައި ދިނުމަށެވެ.
އިންޑިއާއިން ހުށަހަޅާފައި ވަނީ އިންސާނީ އެހީގެ ގޮތުގައި އަފްޣާނިސްތާނަށް ފަންސާސްހާސް މެޓްރިކް ޓަނުގެ ގޮދަން ސަޕްލައި ކޮށްދޭށެވެ.
އިންޑިއާއިން ލޮރީތަކުގައި ގެންދާ މި އެހީ، ޕާކިސްތާންގެ އެތެރޭން ލައިގެން އަފްޣާން ސަރަހައްދަށް ވަނުމާ ދޭތެރޭ ޕާކިސްތާނުން ކަން ކޮށްދޭނީ ކިހިނެއްކަން އަދި ސާފެއް ނުވެއެވެ.
