ޓައިވާނަށް ލިތުއެނިއާގެ ވަފްދެއް ވަޑައިގެންފިއެވެ. ޕާލަމެންޓްގެ މެމްބަރުން ހިމެނޭ 10 ބޭފުޅުންނަށް ވުރެން ގިނަ މި ވަފްދަކީ ތައިވާނުން ބާއްވާ އޯޕަން ޑިމޮކްރެސީ ފޯރަމްގައި ބައިވެރިވެ ވަޑައިގަންނަވާ ވަފްދެކެވެ. މި ވަފްދަށް މަރުހަބާ ކިޔާގައި ވަނީ ޓައިވާންގެ މިނިސްޓްރީ އޮފް ފޮރިން އެފެއާޒުންނެވެ.
ޓައިވާނުން ވަނީ ޑިމޮކްރެޓިކް އަދި ޚިޔާލު އެއްގޮތް ގައުމުތަކުގެ ޕާލަމެންޓްގެ މެމްބަރުންނާއެކު ޑިމޮކްރެސީ ފޯރަމެއް އިންތިޒާމު ކޮށްފައެވެ. މި ފޯރަމްގައި އެމެރިކާ ސަރަހައްދުންނާއި ޔޫރަޕުން މެމްބަރުން ބައިވެރިވާނެއެވެ.
ލިތުއޭނިއާއަކީ ޓައިވާނާ ގުޅުން ގާއިމް ކޮށްފައިވާ ގައުމެކެވެ. ލިތުއޭނިއާއިން ވަނީ ޓައިވާންގައި ސިޔާސީ ގުޅުމާ ބެހޭ އޮފީހެއްވެސް ހުޅުވާފައެވެ. ޗައިނާއިން ދަނީ މި މައްސަލާގައި، ލިތުއޭނިއާއަށް ފިއްތަމުންނެވެ.
