ތާލިބާނުން ވެރިކަމަށް އައިފަހުން އަފްޣާނިސްތާންގެ ސިފައިންނާއި ފުލުހުންގެ ތެރޭގައި މަސައްކަތް ކުރި 100އެއްހާ މީހުންގެ ވާނުވާ ނޭނގި ގެއްލލިފައިވާ ކަމަށް ހިއުމަން ރައިޓްސް ވޮޗްއިން ބުނެފިއެވެ.
އިންސާނީ ހައްގަށް މަސައްކަތް ކުރާ ބައިނަލްއަގްވާމީ ޖަމުއިއްޔާއިން ބުނާ ގޮތުން މިއީ ތާލިބާނުން އަޝްރަފް ޣަނީގެ ސަރުކާރު ވައްޓާލި ފަހުން ހިންގަމުން ގެންދާ ބަދަލު ހިފުމުގެ ކެމްޕޭން ގައި މަރާލާފައިވާ މީހުންނެވެ. ތާލިބާނުން ދަނީ އެމީހުންނަށް ކުރިން ފާޑުކިޔާފައިވާ މީހުންނާއި އެމީހުންނާ ދެކޮޅަށް މަސައްކަތް ކޮށްފައިވާ މީހުން ހޯދައިގެން އެމީހުންނަށް އަމާޒުކޮށް ނައްތާލުމުގެ އަމަލުތައް ހިންގަމުންނެވެ.
ހިއުމަން ރައިޓްސް ވޮޗް އިން ވަނީ ތަފްސީލުކޮށް ޕްރޮވިންސްތަކާއި މީހުންގެ އަދަދު ބަޔާންކޮށް ރިޕޯޓެއް އެކުލަވާލާފައެވެ.
