ބާރބެޑޯސް ޖުމްހޫރިއްޔާއަކަށް ވެއްޖެއެވެ. 400 އަހަރު ވަންދެން އިނގިރޭސި ތާޖުގެ ދަށުގައި އޮތުމަށްފަހު ބާބެޑޯސް އިން އިނގިރޭސި ތާޖުން މިނިވަންކަން އިޢުލާން ކުރި އިޙުތިފާލްގައި އިނގިރޭސި ވަލީ އަހުދު ޗާލްސް ބައިވެރިވެ ވަޑައިގަތެވެ.
މި މުނާސަބާގައި ބާބެޑޯސްގެ ފުރަތަމަ ރައީސަކަށް ހުވައި ކުރެއްވީ ސޭންޑްރާ މޭސަން އެވެ. އޭނާ އެމަގާމަށް އިންތިޚާބު ކޮށްފައި ވަނީ ބާބެޑޯސްގެ ޕާލަމެންޓްގެ ދެ ގޭގައި ވޯޓްލައިގެންނެވެ.
ތިންލައްކަ މީހުންގެ ބާރބެޑޯސްގައި އަމިއްލަ ސަރުކާރެއް އެކުލަވާލީ 1966ގައެވެ. އެހިސާބުންފެށިގެން ބާބެޑޮސްގެ ދައުލަތުގެ އެންމެ އިސްވެރިއަކަށް ހުންނެވީ އިނގިރޭސި ރާނީއެވެ.
ބާރބެޑޯސް ޖުމްހޫރިއްޔާއަކަށް ވެގެން ދެން އޮންނާނީ ކޮމަންވެލްތުގެ ގައުމެއްގެ ގޮތުގައެވެ. މީގެ ކުރިން އިނގިރޭސި ތާޖު ދޫކޮށް މިނިވަންވި ގައުމަކީ މޮރީޝިއަސް އެވެ.
