ޕާކިސްތާންގެ ބޮޑު ވަޒީރުގެ ހުއްދައާ ނުލައި ވަޒީރުންނާއި ސަރުކާރު މެމްބަރުން ބޭރު ގައުމުތަކަށް ދަތުރުކުރުން އިމްރާން ޚާން މަނާ ކުރައްވައިފިއެވެ.
ޕާކިސްތާންގެ ޓްރިބިއުން ނޫހުން އިންފޮމޭޝަން މިނިސްޓަރ ފަވާދު ޗައުދަރީއާ ހަވާލާދީ ބުނިގޮތުގައި ކެބިނެޓްގެ ބައްދަލުމުގައި އިމްރާން ޚާން ވިދާޅުވީ، ޚުދު ބޮޑު ވަޒިރު ބޭރު ދަތުރުތައް ނުކުރައްވާއިރު ވަޒީރުންވެސް ބޭރުގެ ދަތުރުތައް ހުއްޓަވާލައްވަން ޖެހޭނެ ކަމަށެވެ.
ކެބިނެޓްގެ ބައްދަލުވުމުގައި ވަޒީރުންނާއި ސަރުކާރު ޕާޓީގެ ޕާލަމެންޓްގެ މެމްބަރުންގެ ދަތުރާ ބެހޭ ގޮތުން މަޝްވަރާ ކުރެވުމުގެ ތެރޭގައި، ގްލާސްގޯއަށް ވެރިކަން ކުރާ ޕާޓީގެ އެމްޕީއަކު ކުރެއްވި ދަތުރުގައި މާރާމާރީ ހިންގި މައްސަލައެއްވެސް ބަހުސް ކުރެވުނެވެ.
ފަވާދު ޗައުދަރީ ވިދާޅުވި ގޮތުގައި ވަޒީރުންނަށް ވުރެން ގިނައިން އެމްޕީން ބޭރުގެ ދަތުތައް ކުރައްވައެވެ. ޕާކިސްތާންގެ ޕާލަމެންޓް މެމްބަރުން ވަނީ އެމީހުންގެ ބޭރު ދަތުރުތަކާއި އެތެރޭގެ ދަތުރުތަކަށް ޚާއްސަ މަތިންދާބޯޓުތައް ހަމަޖައްސާފައި ބޭއްވުމަށްވެސް ފާސްކޮށްފައެވެ.
ޚާން ވިދާޅުވީ، ވަޒީރުން އިސްކަން ދެއްވަން ވާނީ ސަރުކާރު ހިންގުމާއި ރައްޔިތުންނަށް ޚިދުމަތް ދިނުން މަތީގައި ތިބުމަށެވެ.
