ޓެރަރިޒަމްއާއި މަނީ ލޯންޑަރިންގގެ މައްސަލަތައް ބަލާ އެފްއޭޓީއެފް ޖަމާޢަތުން ތުރުކީވިލާތް އެ ޖަމާއަތުގެ ގްރޭ ލިސްޓްގައި ހިމަނައިފިއެވެ. ތުރުކީން މަނީލޯންޑާ ކުރުމާއި ޓެރަރިސްޓް ޖަމާއަތްތަކަށް ފައިސާ ފޮނުވުމުގައި މުހިންމު ދައުރެއް އަދާކުރާކަން ބެލެވެއެވެ.
ޕާކިސްތާނަކީވެސް އެފްއޭޓީއެފްގެ ގްރޭ ލިސްޓްގައި ހިމަނާފައިވާ ގައުމެކެވެ.
އަފްޣާނިސްތާންގެ ތާލިބާންގެ ސަރުކާރަކީ ދުނިޔޭގެ މާލީ ނިޒޒާމުން އެކަހެރިކޮށްފައިވާ ނިޒާމެކެވެ. ތާލިބާނާއި އަފްޣާނިސްތާނަށް ފައިސާ ލިބޭ މަގަކަށް ވެފައި ވަނީ ތުރުކީން ފޮނުވާ ފައިސާއެވެ. ތުރުކީވިލާތުން މި ފައިސާ އަންނަނީ ހަވާލާ ނިޒާމުގެ ތެރޭން ލައިގެންނެވެ. އަފްޣާނިސްތާނުން ޕާކިސްތާނާއެކު ވިޔަފާރި މުއާލާތް ހިންގުމަށްވެސް ބޭނުން ކުރަނީ ހަވާލާ ނިޒާމެވެ. މިއީ އަމިއްލަ ފަރާތްތަކުން ވިއުގައެއް ހަދައިގެން ފައިސާ އެއްތަނުން އަނެއް ތަނަށް ފޮނުވުމުގައި ގެންގުޅޭ ނިޒާމެކެވެ.
