ޓުއިޓާއިން ވަނީ ޗައިނާގެ ރަސްމީ އިދާރާތަކުން ހިންގާ ބޮޓް ޕްރޮޕެގެންޑާ އެކައުންޓްތައް ބަންދުކޮށްފައެވެ. ޗައިނާއިން ވަނީ ޝިންޖިއާންއާ ދެކޮޅަށް ކިޔަމުންދާ ފާޑުކިޔުންތަކުން ސަލާމަތް ވުމަށް ގިނަ އަދަދެއްގެ ބޮޓް އެކައުންޓަކެއް ހުޅުވާފައެވެ. އޮޓޮމޭޓް ކޮށްފައިވާ މި އެކައުންޓްތަކުން ޝިންޖިއާންގައި މީހުން އުޅޭ އުފާވެރި ދިރިއުޅުމާއި އެމީހުންގެ ދިރިއުޅުމަށް އައިސްފައިވާ ބަދަލުތައްވެސް ކިޔައި ދެއެވެ.
ތަޖުރިބާކާރުން ބުނާ ގޮތުން ޗައިނާ ބޮޓް އެކައުންޓްތަކުން ފަތުރާފައިވާ ޕްރޮޕެގެންޑާއަކީ ލަދު ގަންނަ ޒާތުގެ ޕްރޮޕެގެންޑާ އެކެވެ.
ޝިންޖިއާންގައި ގިނަ އަދަދެއްގެ މުސްލިމުން ހުރަގެއް ލާފައި ވެއެވެ. މި ހުރަގެތަކުގައި މީހުންގެ ސިކުނޑި ދޮވެލުމަށް މަސައްކަތް ކުރެއެވެ. އަދި އަންހެނުން ރޭޕްކުރުމާއި މީހުންނަށް އަނިޔާ ކުރުމަކީ މި ކޭޕްމްތަކުގައި ހިންގާ ޖަރީމާތައް ކަމަށް ބުނެ އިންސާނީ ހައްގަށް މަސައްކަތް ކުރާ ފަރާތްތަކުން ހާދިސާތަކެއް ޑޮކިއުމެންޓް ކޮށްފައި ވެއެވެ.
ޓުއިޓާއިން ބަންދުކޮށްފައިވާ ބޮޓް އެކައުންޓްތަކުގެ އަދަދު 2160އަށް އަރާކަމަށް ވެއެވެ.
