ޕާކިސްތާންގެ ސިއާލްކޮޓްގައި ސްރީލަންކާގެ ޕްރިޔާންތާ ކުމާރާ ދިރިހުއްޓާ އަންދާލުމުން އަންގައި ދެނީ ޕާކިސްތާންގައި ހައްދުފަހަނައަޅައި ދިއުން ފެތުރިފައިވާ މިންވަރުކމަށް ކުރީގެ ޑިޕްލޮމޭޓް އަދި ނޫސްވެރިޔާ ޒައްރާރް ޚޫރޫ ވިދާޅުވެއެވެ.
ދަ ނިއުސް އިންޓަރނޭޝަނަލް ލިޔުއްވި އާޓިކަލްއެއްގައި އޭނާ ވިދާޅުވެފައި ވަނީ މި މައްސަލައާ ގުޅޭ ގޮތުން މަސްއޫލުވެރިން ބޭނުން ކޮށްފައިވާ މަސްމަގުންވެސް އެނގެނީ ހައްދުފަހަނައަޅައި ދިނުމުގެ މައްސަލަ ޕާކިސްތާންގެ އާންމުންގެ މެދުގައި އޮތް މިންވަރު ކަމަށެވެ.
ސިއާލްކޮޓްގެ ފޭރާން އުފައްދާ ފެކްޓްރީއެއްގައި ހަތް އަހަރު ވަންދެން މަސައްކަތް ކުރި ކުމާރާ ދިރިހުއްޓައި އަނންދާލާފައި ވަނީ އޭނާ އިސްލާމް ދީނަށް އިހާނެތިކޮށް ހިތިކަމުގެ ތުހުމަތުގައެވެ. މި ޖަރީމާ ހިންގި މީހުން ވަނީ ކުމާރާ ދިރިހުއްޓައި އަންދާލާފައި ހުކުރަށް ގޮސްފައެވެ.
ފުލުހުން ވަނީ ކުމާރާ މަސައްކަތް ކުރި ފެކްޓްރީގެ 900 މީހުންނަށް މި ޖރީމާގައި ބައިވެރިވާ ކަމަށް ތުހުމަތުކޮށްފައެވެ. މިހާތަނަށް 230 މީހުން ވަނީ ހައްޔަރުކޮށްފައެވެ. ފުލުހުން ދަނީ ހިސާބުގަނޑުގެ އެހެން އަވަށްތަކަށްވެސް ރެއިޑްކޮށް ތަންތަން ބަލާފާސްކޮށް މީހުން ހައްޔަރު ކުރަމުންނެވެ.
މިމައްސަލާގައި އެންމެ އިސްދައުރެއް އަދާކޮށްފައިވާ ދެމީހުން ވަނީ ސިއްރު މަރުކަޒަކަށް ގެންގޮސްފައެވެ.
ކުމާރާގެ އާއިލާއިން މީސްމީޑިއާއާއި އާންމުންގެ ގާތުން އެދިފައި ވަނީ ކުމާރާ ދިރިހުއްޓައި އަންދާލާކަމަށް ދައްކާ ވީޑިއޯ މީސްމީޑިއާގައި ފަތުރައި ނަހަދައި އެމީހުންގެ ޝުއޫރުތަކަށް ރިއާޔަތް ކުރާށެވެ.
