ބަންގްލަދޭޝްގެ ބާނީ ޝެއިޚް މުޖީބުއްރަޙުމާން ދިރިހުންނެވިނަމަ، ޕާކިސްތާނުން ބަންގްލަދޭޝް މީހުންނަށް ޖެއްސި ހާލާ މެދު، ރަސްމީ ސިފައެއްގައި ޕާކިސްތާނުން މައާފަށް އެދެން އެދިވަޑައިގަތީސް މަކަށް ޕާކިސްތާންގެ ކުރީގެ ޑިޕްލޮމޭޓް ޙުސެއިން ޙައްގާނީ ވިދާޅުވެއެވެ.
ޑާކާގައި ބޭއްވި ސުލްހައާ ބެހޭ ކޮންފަރެންސެއްގައި ވާހަކަ ދައްކަވަމުން އޭނާ ވިދާޅުވީ ޝެއިޚް މުޖީބުއްރަޙުމާނަކީ، މެދުމިނުގެ ޚިޔާލުގެ ބޭފުޅެއް ކަމަށެވެ. އަދި ޕާކިސްތާންގައިވެސް ގިނަ ބަޔަކު އޭނާއަކީ ދެކުނު އޭޝިއާގެ ބަތޮލެއްކަމަށް ދެކޭ ކަމަށެވެ.
ހައްގާނީ ވިދާޅުވިގޮތުގައި ޕާކިސްތާން ސިފައިން ޝެއިޚް މުޖީބުއްރަޙުމާން 22 ފަހަރަށް ބަންދުކޮށް ޖަލަށް ލިއެވެ. އަދި އުމުގެ ފަސްބައިކުޅަ އެއްބައި އޭނާ ހޭދަ ކުރެއްވީ ޖަލުގައި ކަމަށްވެސް ވިދާޅުވިއެވެ.
ހައްގާނީއަކީ އެމެރިކާގެ ހަޑްސަން އިންސްޓިއުޓްގައި މަސައްކަތް ކުރައްވާ ރިސާޗް ޑައިރެކްޓަރެކެވެ.
