ދެކުނު އިރުމަތީ އޭޝިއާގައި ޗައިނާއިން ގައުމުތަކަށް އިންޓަރނެޓް މެދުވެރިކޮށް ޖާސޫސް ކުރުމުންދާ ކަމާއި އަދި ޗައިނާއިން ސައިބާ ހަމަލާތައް ދެމުންދާ ކަމަށް އިންޓެލިޖެންސް ރިޕޯޓެއްގައި ފާހަގަ ކޮށްފިއެވެ.
ރިކޯޑެޑް ފިއުޗާގެ އިންސްކިޓް ގްރޫޕުން ބުނެފައި ވަނީ 2021ގައި ދެކުނު އިރުމަތީ އޭޝިއާގައި ޗައިނާއިން ސައިބާ ހަމަލާތައް އަމާޒު ކުރަނީ ޗައިނާއާ އެކު ދެކުނު ޗައިނާ ކަނޑިގެ މަސައްލާގައި ދެބަސްވުން އޮންނަ ގައުމުތަކަށާއި، ޗައިނާއިން ބެލްޓް އެންޑް ރޯޑް ޕްރޮޖެކްޓްތައް ހިންގާ ނުވަތަ ހިންގަން ބޭނުންވާ ގައުމުތަކަށެވެ.
މި ހަމަލާތައް ދިނުމުގައި ހަރަކާތްތެރިވާ ފަރާތަކީ ޗައިނާގެ ތްރެޓް އެކްޓިވިޓީ ގްރޫޕް16 އެވެ. މި ގްރޫޕުން ހަމަލާތައް އަމާޒު ކުރަނީ ބޮޑު ވަޒީރުންގެ އޮފީސްތަކާއި ދިފާއީ އަދި ޚާރިޖީ ވުޒާރާތަކަށެވެ.
