އުމުރުން 31 އަހަރުގައި ރީމް އަލްއަބްލީ އަކީ ޖަރުމަންވިލާތުގައި ވަޒީރުގެ ދަރަޖައިގައި މަސައްކަތް ކުރައްވާ ފުރަތަމަ މުސްލިމް މީހާއެވެ. އެނާ އަކީ ޖަރުމަންވިލާތުގެ ސަރުކާރުގެ މިނިސްޓަރ އޮފް ސްޓޭޓް ފޯރ މައިގްރޭޝަން އެފެއާޒްއެވެ.
އިރާގް މީހުން ވަނީ ރީމްއަށް މަރުޙަބާ ކިޔާފައެވެ. އިރާގާއި ޖަރުމަންވިލާތުގައިވެސް މީހުން ސުއާލު ކޮށްފައި ވަނީ ރީމް ޖަރުމަންވިލާތަށް ހިޖުރަ ނުކޮށް އިރާގްގައި ހުރިނަމަ އޭނާގެ މުސްތަގްބަލު ބައްޓަން ވެގެންދާނީ ކިހިނެއް ހެއްޔެވެ؟
ޖަރުމަން ޕާލަމެންޓުން ވަނީ އެންޖެލާ މާރކެލްގެ ފަހުން ޗާންސެލަރގެ މަގާމު ފުރުއްވާނެ ފަރާތަކަށް ސޯޝަލް ޑިމޮކްރެޓިކް ޕާޓީގެ އޯލާފް ޝޫލްޒް އިންތިޚާބު ކޮށްފައެވެ.
ރީމް އަލްއަބްލީ ޖަރުމަން ޕާލަމެންޓަށް އިންތިޚާބުވީ މިދިޔަ އަހަރުއެވެ. ރީމްގެ ކާފައަކީ އިރާގްގެ ކޮމިއުނިސްޓް ޕާޓީގެ ޖާސޫސީ ގޮފީގެ މެމްބަރެކެވެ. އޭނާ 1963 ގައި ދަން ޖެއްސުމުން ރީމްގެ ބައްޕަ ވަނީ އިރާގް ދޫކޮށް ރަޝިޔާއަށް ހިޖުރަ ކޮށްފައެވެ. އެއަށްފަހު އޭނާ ޖަރުމަންވިލާތަށް ދިރިއުޅުން ބަދަލު ކުރީއެވެ.
