އިންޑޮނޭޝިއާއަށް 7.3 މެގްނިޓިއުޑުގެ ބާރުމިނުގައި އައި ބިންލުމުގެ އެއްވެސް އަސަރެއް ރާއްޖެއަށް ކުރާނެކަމަށް ލަފާނުކުރެވޭކަމަށް މޫސުމާއި ބެހޭ ޤައުމީ އިދާރާއިން ބުނެފިއެވެ.
އިންޑޮނޭޝިއާއަށް 7.3 މެގްނިޓިއުޑުގެ ބާރުގަދަ ބިންހެލުމެއް އައިސް، ސުނާމީގެ އިންޒާރު ވަނީ ދީފައެވެ. މި ބިންހެލުން އައިސްފައިވަނީ ރާއްޖެއާއި 5564 ކިލޯ މީޓަރު ދުރަށްކަމަށް މެޓް އޮފީހުން ބުންޏެވެ.
އިންޑޮނޭޝިއާ އަށް ބިންހެލުން އައިސްފައިވަނީ އެ ގައުމުގެ ގަޑިން މިއަދު ހެނދުނު 10:20 ހާއިރު އެވެ. ބިންހެލުން އައިސްފައިވަނީ ކަނޑުގެ 18.5 ކިލޯމީޓަރު އަޑިންނެވެ.
ބިންހެލުމާ ގުޅިގެން ޕެސިފިކް ސުނާމީ ވޯނިން ސެންޓަރުން ނެރުނު އިންޒާރުގައި ބުނެފައިވަނީ ބިން ހެލުން އައި ހިސާބާ 1،000 ކިލޯމީޓަރު ކައިރީގައިވާ ސަރަހައްދުތަކަށް ސުނާމީގެ ނުރައްކާތެރި ރާޅުގެ އަސަރު ކުރުން އެކަށީގެންވާ ކަމަށެވެ.
