ޗައިނާއިން ދަނީ އިންޑިއާ ސަރަހައްދުގައި ދިފާއީ މަރުކަޒުތައް ހަދައި ބޯދަރު އޭރިއާގައި ހައިވޭއާއި ވައިގެ ބަނދަރުތައް ހަދަމުންނެވެ. އެމެރިކާގެ ދިފާއީ ވުޒާރާއިން ބުނާ ގޮތުގައި ޗައިނާއިން އަސްކަރީ ހަރަކާތްތައް އިތުރުކޮށްފައި ވުމުން ނުތަނަވަސް ވާން ޖެހެއެވެ.
ފޮރިން ޕޮލިސީގައި އެމެރިކާގެ މަސްއޫލުވެރިންނާ ޙަވާލާދީ ބުނެފައި ވަނީ، ޗައިނާއިން އިންޑިއާގެ ލައިން އޮފް ކޮންޓްރޯލްގައި އަމަލު ކުރަމުންދާ ހަމައަކީ ޗައިނާއިން ދެކުނު ޗައިނާ ކަނޑުގައިވެސް އަމަލު ކުރަމުންދާ ގޮތެވެ. މުލައްދަނޑީގެ ބާރު ދެއްކުމެވެ.
ޗައިނާއިން ދެކުނު އޭޝިއާ ސަރަހައްދުގައި ތިން ގައުމަކާ މެދު ސަރަހައްދުގެ މައްސަލަތައް ގެންގުޅެއެވެ. ޗައިނާއިން ވަނީ ނޭޕާލްގެ ބިންތަކެއްވެސް ހިފާފައި އެތަންތާނގައި ގެތައް އަޅައި މީހުން އާބާދު ކުރުވާފައެވެ. ބޫޓާންއާ އެކުވެސް ސަރަހައްދުގެ މައްސަލައެއް އޮންނަ ކަމަށް ބުނެ ޗައިނާއިން ސަރަހައްދުގެ މައްސަލަ ހޫނު ކުރުމަށް މަސައްކަތް ކޮށްފައި ވެއވެ. އިންޑިއާއާއެކު ސިއާޗިންއާއި ހިމާޗަލް ޕްރަދޭޝްއާއި ލަދާކްގައި ޗައިނާއިން ސަރަހައްދުގެ މައްސަލަ ގެންގުޅެއެވެ.
އެމެރިކާގެ ދިފާއީ ފަރާތްތަކުން ދެކޭ ގޮތުގައި އިންޑިއާއިން ޗައިނާއަށް ދީލާލާތަނެއް ނުފެނެއެވެ. އޜގެ ބަދަލުގައި ސްޓްރެޓެޖިކް ތަންތަން ހިފައިގެން ޗައިނާ ސިފައިން ފަހަތަށް ޖައސާތަން ފެނެއެވެ.
އެމެރިކާއިން ވަނީ ސަރަހައްދުގައި ޗައިނާއިން ގެންގުޅޭ އަމަލުތަކާ ދެކޮޅަށް އިންޑިއާއާއެކު އިންޓެލިޖެންސް ހިއްސާ ކުރުމަށް ނިންމާފައެވެ.
