ކަޝްމީރުގައި އަންހެނުން އާމްދަނީ ހޯދައި އާއިލާއަށް ހޭދަކުރުމަކީ އާންމު ކަމެކެވެ. އެކަމަކު ކަޝްމީރު އަންހެނުންގެ ތެރޭން ވެސް ރިފްއަތު ޖާން އަކީ އަރައި ހުރި އަންހެނެކެވެ. އޭނާއަކީ އިންޑިއާގެ އެންމެ މަގްބޫލު ކުޅިވަރު، ކްރިކެޓް ކުޅޭ ބެޓް އުފައްދާ ފެކްޓްރީއެއް ހިންގާ މީހެކެވެ. މިއީ އަނެހުންނަށް އާދަޔާ ޚިލާފް މަސައްކަތަކަށް ވެދާނެއެވެ. އެކަމަކު ރިފްއަތުގެ މި މަސައްކަތް ފާހަގަ ކުރެވެނީ ބެޓް އުފެއްދުމުގައި ހަރަކާތްތެރިވާ ހަމައެކަނި އަނެހެން މީހާއަކީ އޭނާ ކަމަށް ވުމުންނެވެ.
ރިފްއަތުއަށް މި މަސައްކަތް ވާރުތަވީ އޭނާގެ ފިރިމީހާގެ ބައްޕަގެ ފަރާތުންނެވެ. ފިރިމަރުވެ އާއިލާއެއް ބަލަން ޖެހިފައި ވަނިކޮށް، އޭނާގެ ބަފާބެ ވެސް ދުނިޔެ ދޫކޮށް ދިއުމުން އަމިއްލައަށް ފެކްޓްރީއާ ޙވާލުވާން ޖެހުނީއެވެ.
ބެޓް އުފެއްދާ މި ފެކްޓްރީ އޭނާގެ ބަފާބެ، ފެށީ 1970ގެ ތެރޭގައެވެ. މިއީ އިންޑިއާގެ ދެކުނުގެ ޓެމިލްނާޑޫއާއި ކަރްނާޓަކާއަށްވެސް ބެޓް ސަޕްލައި ކުރާ ފެކްޓްރީއެކެވެ.
ރިފްއަތު ޖާން ބުނާ ގޮތުން ކަމެއް ކުރަން ޖެހުނީމަ ޖެހޭނީ އެކަމެއް ކުޜާށެވެ. އެހެންވެސް އޭނާ މިކަމުގައި ކުރިއަށް ދިޔައީއެވެ. ފަސް އެނބުރި ބެލުމެއް ނެތެވެ. އޭނާ ބުންޏެވެ.
