މިއީ ސޫރިޔާގެ އަބްދުއްރަޙުމާން އެވެ. މީނާ ވަނީ ކޮއްޅަށް ހުރެގެން އެއް ރަކުޢަތެއްގައި މުޅި ޤުރުއާން އެއްކޮށް ކިޔަވާފައެވެ. އޭނާ އަކީ ކީރިތި ޤުރުއާން ހިތުން ދަސް ޙާފިޒެކެވެ.
ޙަލަބަށް އުފަން ޢަބްދުއްރަޙުމާން ދިރިއުޅެނީ ތުރުކީގައެވެ. އޭނާ އަކީ ޔުނިވަރސިޓީ ދަރިވަރެކެވެ.
މީގެ ކުރިންވެސް އަބްދުއްރަޙުމާން ވަނީ ވިތުރީގެ އެއް ރަކުޢަތެއްގައި ކީރިތި ޤުރުއާން ކިޔަންވަން މަސައްކަތް ކޮށްފައެވެ. ނަމަވެސް ކާމިޔާބުވީ މިފަހަރެވެ.
ޚަލީފާ ޢުސްމާންގެފާނު ވިތުރީގެ އެއް ރަކުޢަތުގައި ކީރިތި ޤުރުއާން އެއްކޮށް ކިޔަވާ ވިދާޅުވާކަން އެނގުނު ފަހުން ޢަބްދުއްރަޙުމާންގެ ހުވަފެނަކަށްވީ އެ މަގުން ހިނގުމެވެ.
އޭނާއަށް އެއް ކޮށް ޤުރުއާން ނިންމާލެވުނީ ހަތް ގަޑިއިރުންނެވެ. އެއީ ރޭގަނޑުގެ 11 އިން ފަތިހު 6 އަށެވެ. އަބްދުއްރަހުމާންގެ ތަޖުރިބާ ކިޔައި ދެމުން އޭނާ ބުނަނީ، މި ގޮތަށް އެއް ރަކުޢަތުގައި ކިޔަވާނަމަ އެންމެ ރަނގަޅީ ފިނި މޫސުމުގައި ކިޔެވުމެވެ.
