އިންޑިއާގެ މިނިވަންކަމަށް މިއަހަރު 75 އަހަރު ފުރޭއިރު އިންޑިއާގެ އެންމެ ބޮޑު އެއް ކާމިޔާބީއަކަށް ވާނީ ކޮމްޕިއުޓަރ ޗިޕް އުފެއްދުމުގެ މަސައްކަތް އިންޑިއާގަައި ފެށުމެވެ. އިންޑިއާއިން ވަނީ ތައިވާނާއެކު މިނިވަން ވިޔަފާރީގެ އެއްބަސްވުމެއް އެކުލަވާލުމަށް ނިންމާފައެވެ.
ތައިވާންގެ ކޮމްޕިއުޓަރ ޗިފް އުފައްދާ އެންމެ މައި ދެ ކުންފުނިން ވަނީ އިންޑިއާގައި އެދެކުންފުނީގެ ފެކްޓްރީ ހަދާނެ ބިންވެސް ބަލާފައެވެ.
އިންޑިއާއިން ވަނީ ޚާއްސަ ސިނާއަތްތައް އިންޑިއާގައި އުފައްދާ ފަރާތްތަކަށް ދޭ ޓެކްސް މައާފް ކުރުމާއި ބިން ދިނުމުގ އިނާޔަތްތައް ކޮމްޕިއުޓަރ ޗިޕް އުފައްދާ ފަރާތްތަކަށް ދޭން ދެގުނައަށް އިނާޔަތްތައް ބޮޑު ކޮށްފައެވެ.
ޓާޓާ ކުންފުނިން ދަނީ ޓައިވާންގެ ކުންފުނިތަކާއެކު ކޮމްޕިއުޓަރ ޗިޕް އުފެއްދުމަށް ފެކްޓްރީ ހެދުމަށް މަޝްވަރާ ކުރަމުންނެވެ.
ޓައިވާނުގެ ޓައިވާން ސެމީކޮންޑަކްޓަރ މެނުފެކްޗަރިން ކޮމްޕެނީއާއި ޔުނައިޓެޑް މައިކްރޯ އިލެކްޓްރޯނިކްސް ކޯޕަރޭޝަނުން ދާދި އަވަހަށް އިންޑިއާގައި ފެކްޓްރީތަައް އަޅާނެއެވެ. މިއީ ދުނިޔޭގެ ފެންވަރުގައިވެސް ކޮމްޕިއުޓަރ ޗިޕް އުފެއްދުމުގައި އިސްކޮށް އުޅޭ ދެ ފަރާތެވެ.
އިންޑިއާގެ ސިނާއަތްތައް އިތުރުވުމުން ކޮމްޕިއުޓަރ ޗިޕް ބޭނުން ވެއެވެ. ނަމަވެސް ދުނިޔޭގައި ކޮމްޕިއުޓަރ ޗިޕްގެ ދަތިކަމެއް މި ވަގުތު އުޅެއެވެ.
