ޗައިނާއިން ޓިބެޓް ކޮންޓްރޯލް ކުރުމަށްތަލައި އައު އުކުޅެއް ގެން ގުޅެން ފަށައިފިއެވެ. ޗައިނާގެ ކޮމިއުނިސްޓް ޕާޓީން ވަނީ ޓިބެޓްގެ ދަރިވަރުން ސިކުނޑި ދޮވެލުމަށްޓަކައި އައު ބޯޑިންގ ސްކޫލުތަކެއް ހުޅުވާފައެވެ. މި ބޯޑިންގ ސްކޫލުތަކުގައި ކުދިން އާއިލާއާއި ދުނިޔެއާ އެކަހެރިކޮށް އެމީހުންނަށް ޗައިނާގެ ކޮމިއުނިޒަމްއާއި ޗައިނާގެ ސަގާފަތް ކިޔަވައި ދެވެއެވެ.
މި ކަން ދުނިޔެއަށް ހާމަކޮށްފައި ވަނީ ދަރަމްސާލާ ސިޓީގައި ޓިބެޓާ ބެހޭ އިންޓެލިޖެންސް ރިޕޯޓް އެއްކުރާ އިންސްޓިޓިއުޓަކުން ހަދާފައިވާ ދިރާސާއެއްގައެވެ.
މި ރިޕޯޓް ބުނާ ގޮތުން ޓިބެޓްގެ އުމުރުން 6 އަހަރާ 18 އަހަރާ ދެމެދުގެ ނު ލައްކައެއްހައި ދަރިވަރިން މި ބޯޑިންގ ސްކޫލުތަކުގައި ޗައިނާއިން ގެން ގުޅެއެވެ. މިއީ ގާތްގަނޑަކަށް ޓިބެޓްގެ ސްކޫލު ދަރިވަރުންގެ ތެރޭން ކޮންމެ ހަތަރު ކުދިންގެ ތެރޭން ތިން ކުއްޖެކެވެ.
މި ސްކޫލުތައް ބަލަހައްޓަމުން ގެންދަނީ ކޮމިއުނިސްޓް ޕާޓީގެ އުސޫލުތައް މިކުދިންނަށް ކިޔައިދީ އެކަމަށް ހޭނުވުމަށެވެ. އަދި ކޮންމެ ސްކޫލަކީ މިލިޓަރީ ސްޓައިލްގެ ޑިސިޕްލިން ކުދިންގެ ކިބައިގައި އަށަގެންނެވުމަށް މަސައްކަތް ކުރާ ތަނެކެވެ.
