ފަރަންސޭސިވިލާތުގައި ރިއާސީ އިންތިޚާބަށް ކުރިމަތި ލައިގެން އުޅޭ ކަނާތުފިޔައިގެ ހައްދުފަހަނައަޅާފައިވާ މީހާއަކީ، މީހުންގެ މެދުގައި ޚިޔާލު ތަފާތު މއްސަލަތަކުގައި ވާހަކަ ދައްކައިގެން މަގްބޫލުކަން ހޯދާފައިވާ މީހެކެވެ. އެރިކް ޒިމޯ ވަނީ ފާއިތުވި 21 އަހަރުގެ ތެރޭގައި މުޅިންވެސް ޚިޔާލު ތަފާތު މައްސަލަތަކަށް ބޭނިގެން ސުރުޚީއަށް އަރާފައެވެ.
ޒިމޯއަކީ އާދަޔާ ޚިލާފް މީހެކެވެ. ކަނާތު ފިޔައިގެ ހައްދުފަހަނައަޅާފައިވާ މީހުންގެ ފަރާތުން އޭނާ ރިއާސީ އިންތިޚާބަށް ކުރިމަތިލާފައިވާ އިރު އޭނާ އަކީ ޔަހޫދީއެކެވެ. އަދި އޭނާ އަކީ އަލްޖަޒާއިރުގެ ދަރިކޮޅުގެ މީހެކެވެ.
އޭނާ ބުނާ ގޮތުން ޔަހޫދީން ނައްތާލުމުގައި ފަރަންސޭސިވިލާތުގައި ބޮޑު ހަނގރާމައިގެ ދުވަސްވަރު އޮތް ވީޗީ ސަރުކާރަށް ތުހުމަތު ކުރެވެނީ އިންސާފުވެރި ގޮތަކަށެއް ނޫނެވެ. ވީޗީ ސަރުކާރަކީ ޖަރުމަންވިލާތުގައި އޮތް ނާޒީ ސަރުކާރުގެ ގޮނޑިކޮއްކޮ ސަރުކާރެކެވެ.
