އިޒްރޭލުން އޮމިކްރޮން އިން ރައްޔިތުން ސަލާމަތް ކޮށްދިނުމަށްޓަކައި ހަތަރު ވަނަ ބޫސްޓާ ޑޯޒް ޖެހުމުގެ މަސައްކަތް ފަށައިފިއެވެ. ހަތަރު ވަނަ ބޫސްޓާ ޑޯޒް ދެމުން ދަނީ އުމުރުން 60 އަހަރުން މަތީގެ މީހުންނަށެވެ.
އިޒްރޭލުން މި ބޫސްޓާ ޑޯޒް ދޭން ފެށީ އެގައުމުގެ ހެލްތު މިނިސްޓްރީގެ އެކްސްޕާޓް ޕެނަލްއަކުން މިކަމަށް ރިކޮމެންޑް ކުރުމުންނެވެ. ހެލްތު މިނިސްޓްރީން މި ގޮތަށް ނިންމީ އޮމިކްރޯން ޖެހިގެން އިޒްރޭލުގައި ފުރަތަމަ މީހާ މަރުވުމާ ގުޅިގެންނެވެ.
