ރަޝިޔާގެ ރައީސް ލަޑީމިއަރ ޕޫޓިން ވިދާޅުވަނީ، ސަލާމާއި ސަލަވާތް ލެއްވި ކީރިތި ރަސޫލާއަށް އިހާނެތިކޮށް ހިތުމަކީ ޚިޔާލު ފާޅުކުރުމުގެ މިނިވަންކަމުގެ ތެރޭގައި ހިމެނޭ ކަމެއް ނޫން ކަމަށެވެ.
ޕޫޓިން ބާއްވަވާ އަހަރީ ނޫސްކޮންފަރެންސްގައި ބުރާސްފަތިދުވަހު ވާހަކަ ދައްކަވަމުން ވިދާޅުވީ، މީހަކަށް ހުތުރު އަރުވައި، އެއްވެސް ކުރެހުންތެރިއަކަށް، އޭނާގެ ޝުއޫރުތައް ފާޅުކުރުމަށް ހައްގެއް ނޯންނާނެ ކަމަށެވެ.
ޕޫޓިން ވިދާޅުވީ، މީހުންގެ ދީނީ ޝިއާރުތަކާ ދެކޮޅަށް އިހާނެތިކޮށް، ފާޅުކުރާ ޚިޔާލުތަކަކީ، މިނިވަން ކަމާއެކު ޚިޔާލު ފާޅުކުރުމުގެ ތެރޭގައި ހިމެނޭ ކަމެއް ނޫން ކަމަށެވެ. އެއީ، ދީނީ އަގީދާ ގަބޫލުކުރާ މީހުންނަށް ހުތުރުއެރުވުމަށް ކުރާ ކަމއް ކަމަށެވެ.
މި ނޫސްކޮންފަރެންސްގައި ޕޫޓިން ވިދާޅުވީ، ޚިޔާލު ފާޅުކުރުމުގެ މިނިވަންކަމަކީ އޮންނަން ވާނެ ކަމެއް ކަމަށެވެ. އަދި މިނިވަންކަމާއެކު ޚިޔާލު ފާޅުކުރުމާ ނުލައި ކުރިމަގެއް ނެތް ކަމަށެވެ. އަލްޖަޒީރާ
