ތާލިބާންގެ ސަފުތައް ސާފުކޮށް ތާހިރު ކުރުމަށް އެކުލަވާލާފައިވާ ޕިއުރިފިކޭޝަން ކޮމިޝަނުން ތާލިބާންގެ ތެރޭގައި ހިމެނޭ ގިނައަދަދެއްގެ މީހުން ތާލިބާންގެ ގްރޫޕުން ބޭރުކޮށްލައިފިއެވެ.
ޕިއުރިފިކޭޝަން ކޮމިޝަނުން ބުނެފައިވާ ގޮތުގައި މިހާތަނަށް ބެލި ބެލުމުގައި ތާލިބާންގެ ތެރޭގައި ގެންގުޅެން ހެޔޮ ނުވާ ވަރުގެ 1860 މީހުން ބޭރުކޮށްލާފައި ވެއެވެ. މީގެ ތެރޭގައި ބައެއް ސަރަހައްދުތަކުގެ އެންމެ އިސްމަސްއޫލުވެރިންވެސް ހިމެނެއެވެ.
ތާލިބާންގެ އިސްވެރިޔާ މުއްލާ ހިބަތުﷲ އަޚުންދުޒާދާ ވަނީ ތާލިބާންގެ ސަފުތައް ތާހިރު ކުރުމަށް ކޮމިޝަނެއް އެކުލަވާލާފައެވެ. މިކޮމިޝަނުން ދަނީ ނުފޫޒުގަދަ މީހުންނާއި ބާރު ދައްކާ މީހުން ތާލިބާންގެ ސަފުން ބޭރުކުރަމުންނެވެ.
