ޕާކިސްތާނުން އަފްޣާނިސްތާންގެ ސަރަހައްދު ހުރަސްކޮށް ބަޑިން ހަމަލަ ދޭނެނަމަ ރައްދުގައި ތާލިބާނުންވެސް އެފަދަ ފިޔަވަޅެއް އަޅާނެ ކަމުގެ އިންޒާރު ތާލިބާނުން ދީފިއެވެ.
ޕާކިސްތާން ސިފައިން ވަނީ ޝިލްޓާން ޑިސްޓްރިކްޓްގެ ޗޯގަމް އޭރިއާގައި އަފްޣާނިސްތާން ސަރަހައދަށް ބަޑިން ހަމަލަ ދީފައެވެ. މިހަމަލާގައި މަދަނީންގެ އެކަކު މަރުވިއެވެ.
ޗޯގަމް އަކީ ޕާކިސްތާނާއި އަފްޣާނިސްތާންގެ ދެމެދު އޮންނަ ޑޫރާންޑް ލައިން ސަރަހައްދުގައި އޮންނަ އަވަށެކެވެ. މިއީ އަފްޣާނިސްތާނާއި ޕާކިސްތާންގެ ދެމެދު އޮންނަ މައްސަލަ ޖެހިފައިވާ ސަރަހައްދެކެވެ.
ތުލޫޢު ނިއުސްއިން ބުނެފައިވާ ގޮތުގައި ޕާކިސްތާން ސިފައިން އަފްޣާނިސްތާން ސަރަހައްދަށް ހަމަލަ ދިނުން ހުއްޓާނުލާނަމަ، ތާލިބާނުންވެސް ރައްދު ހަމަލަ ދޭނެ އެވެ.
