ޗައިނާގެ ޝިންޖިއާންގައި މުސްލިމުންނަށް އަނިޔާކުރުމުގައި ހައްދުފަހަނައަޅާފައިވާ މަސްއޫލުވެރިއާ މަގާމުން ދުރުކޮށްފިއެވެ. ޝިންޖިއާން ޕްރޮވިންސްގެ އިސްމަސްއޫލުވެރިއެއްގެ ގޮތުގައި ހުރި ސިފައިންގެ ޖެނެރަލެއް ކަމަށްވާ ޝެންގުއާންގޯ މަގާމުން ދުރުކޮށްފައިވަނީ ކީއްވެގެން ކަމެއް ސާފެއް ނުވެއެވެ. އަދި ދެން އޭނާއާ ހަވާލުކުރާނީ ކޮން މަސައްކަތެއްކަންވެސް ސާފެއް ނުވެއެވެ.
ޝިންޖިއާންއަށް އަލަށް އައްޔަން ކޮށްފައިވާ މަސްއޫލުވެރިޔާއަކީ ގުއާންގޑޮން ޕްރޮވިންސްގައި ކުރިން އިސްވެ ހުންނެވި މާ ޝެންގޫރީ އެވެ.
ޝެންގުއާންގޯ އަކީ މިދިޔަ އަހަރުން ފެށިގެން އެމެރިކާއިން ބްލެކްލިސްޓްކޮށް އޭނާއާ ދެކޮޅަށް ދަތިކުރުމުގެ ފިޔަވަޅު އަޅާފައިވާ މީހެކެވެ.
އޭނާ ޝިންޖިއާންއާ ޙަވާލުވުމަށްފަހު، ދޮޅު މިލިއަނެއްހައި މުސްލިމުން ހުރަގެތަކަށް ލައިގެން ސިކުނޑި ދޮވުމުގެ މަސައްކަތް ފަށާފައި ވެއެވެ. މިތަންތާނގައި މުސްލިމުންނަށް އަނިޔާ ކުރުމާއި އެމީހުންގެ އަންހެނުން ރޭޕް ކުރުންފަދަ އަމަލުތައް ހިންގާކަމަށް ބައިނަލްއަގްވާމީ ފަރާތްތަކުން ޑޮކިއުމެންޓް ކޮށްފައި ވެއެވެ.
