ދުނިޔޭގެ ތާރީޚްގައި ފުރަތަމަ ފަހަރަށް ދުނިޔޭގެ އިގްތިސާދު 100 މިލިއަން ޓްރީލިއަން ޑޮލަރަށް އަރާނެ ކަމަށް ލަފާ ކޮށްފިއެވެ. ދުނިޔޭގެ އެންމެ ކުރީގައި ވާދަވެރިކަމާއެކު އުޅޭނެ ދެ އިގްތިސާދަކީ އެމެރިކާއާއި ޗައިނާއެވެ. އަދި ފަހަތުން އަރާނެ އިގްތިސާދީ ބާރެއްކަމަށް ލަފާ ކޮށްފައި ވަނީ އިންޑިއާއެވެ.
އިނގިރޭސިވިލާތުގެ ކޮންސަލްޓެންސީ ފާރް ސޭބަރ އިން ލަފާ ކޮށްފައިވާ ގޮތުގައި އަންނަ އަހަރު ފްރާންސް ޖަހާލައި އިންޑިއާ ކުރިއަރައިގެން ދާނެއެވެ. އަދި އޭގެ ފަހުން 2023 ގައި އިނގިރޭސިވިލާތަށް ވުރެން ބޮޑު އިގްތިސާދަކަށް އިންޑިއާ ވެގެން ދާނެއެވެ.
ޖަޕާނަށް ވުރެން ބޮޑު އިގްތިސާދަކަށް ޖަރުމަންވިލާތްވެސް ވެގެން ދާނެއެވެ. އަދި ދުނިޔޭގެ ނުވަ ވަނަ އިގްތިސާދުގެ ގޮތުގައި އިންޑޮނޭޝިއާވެސް ކުރި އަރައިގެން ދާނެއެވެ.
ދުނިޔޭގެ އެންމެ ބޮޑު 10 އިގްތިސާދުގެ ތެރޭގައި ރަޝިޔާ ހިމެނިގެންދާނީ 2036ގައެވެ.
