އަބޫދާބީގައި ފުރަތަމަ ފަހަރަށް ޣައިރު މުސްލިމު ޖޯޑެއް ދެވައިފިއެވެ. 2021ގައި ފާސްކޮށްފައިވާ 14 ވަނަ ގާނޫނުގެ ދަށުން ދުނިޔޭގެ ބެސްޓް ޕްރެކްޓިސްއާ އެއްގޮތަށް ޣެއިރު މުސްލިމުންގެ ކައިވެނިވެސް ޔޫއޭއީގައި ރެޖިސްޓްރީ ކޮށްދޭ ގޮތަށް ވަނީ ހަމަޖައްސާފައެވެ.
އަބޫދާބީގައި ކައިވެނި ކުރި ދެމީހުންނަކީ ކެނެޑާގެ ދެމީހެކެވެ. މި ދެމަފިރިން ބުނާ ގޮތުން އެމީހުން ދެން މަސައްކަތް ކުރާނީ ވިޔަފާރި އުސޫލުން ބޭރު މީހުންނަށް ޔޫއޭއީގައި ކައިވެނިކުރެވޭ ގޮތް ފަހިކޮށް ދިނުމުގައެވެ.
ޔޫއޭއީގައި ދިރިއުޅޭ ޣެއިރު މުސްލިމުންނާއި ޒިޔާރަތް ކުރާ މީހުންނަށްވެސް އިލެކްޓްރޯނިކް ވަސީލަތް މެދުވެރިކޮށް ކައިވެނި ރަޖިސްޓްރީ ކުރުމަށް ހުށަހެޅޭ ގޮތަށް ހަމަޖައްސާފައި ވެއެވެ.
