އިންޑިއާއިން ވަނީ 1.43 ބިލިއަން ވެކްސިން ޑޯޒް ރައްޔިތުންނަށް ޖަހާފައެވެ. 580 މިލިއަން މީހުން އިންޑިއާގައި ވަނީ އެއްކޮށް ވެކްސިންގެ ދެ ޑޯޒް ފުރިހަމަ ކޮށްފައެވެ. އިންޑިއާ ސަރުކާރުން ވަނީ އިސް ސަފުގައި މަސައްކަތް ކުރާ ފަރާތްތަކަށް ދެވަނަ ޑޯޒް ދިނުމަށާއި އުމުރުން 60 އަހަރު ވެފައިވާ މީހުންނަށް ދެވަނަ ޑޯޒް ދިނުމަށް ނިންމާފައެވެ. އަދި އުމުރުން 15އާއި 18އާ ދެމެދުގެ ކުދިންނަށްވެސް ވެކްސިން ދޭން ނިންމާފައި ވެއެވެ.
އިންޑިއާގައި ވެކްސިން ޖަހަން ބައެއް މީހުން ދެކޮޅު ހަދައެވެ. އަނެއް ބަޔަކު ކަށި ދެކެ ބިރުން އުޅެއެވެ.
ދެކުނު އިންޑިއާގެ ޕުޑުޗެރީގައި މުއްތުވެލްއަކީ ކަށި ދެކެ ބިރުން އުޅޭ މީހެކެވެ. އޭނާ ވަނީ ސިއްޙީ އެހީތެރިން ވެކްސިން ޖަހަން އައުމުން ގަހަކަށް އަރާފައެވެ. އަދި އޭނާ ގަހުން ފައިބަން އާދޭސް ކުރުމުންވެސް އެކަމާ ދެކޮޅު ހަދާފައެވެ.
ސަރުކާރުގެ ސިޔާސަތު ތަންފީޒު ކުރުމަށް ސިއްހީ އެހީތެރިން ދަނީ ދޮރުން ދޮރަށް ހިނގައި މީހުންނަށް ވެކްސިން ޖަހައި ދެމުންނެވެ. މުއްތުވެލް އެދިފައި ވަނީ ސިއްޙީ އެހީތެރިން އޭނާއަށް ވެކްސިން ޖަހން ބޭނުންނަމަ އެމީހުންވެސް ގަހަށް އަރައިގެން ވެކްސިން ޖެހުމަށެވެ. މިމީހުންގެ އާދޭހަށްވެސް މުއްތުވެލް ގަހުން ނު ފޭބުމުން ސިއްޙީ އެހީތެރިން އެނބުރި ދިޔައީ އެވެ.
