އެމރިކާއިން ދަނީ ޕަލަސްޓައިން ލިބަރޭޝަން އޮގަނައިޒޭޝަން (ޕީއެލްއޯ)ގެ ވޮޝިންޓަން އޮފީސް އަލުން ހުޅުވަން ހުއްދަ ދިނުމާ މެދު ވިސްނަމުންނެވެ. އެމރިކާގެ މަސްއޫލުވެރިން ވިދާޅުވާ ގޮތުގައި މި ކަމަކީ އިޒްރޭލުން އެމެރިއާއިން ރުހުން ހޯދަން ޖެހޭނެ ކަމެއް ނޫނެވެ.
ވޮޝިންޓަނުގައި ހުންނަ ޕީއެލްއޯގެ އޮފީސް ބަންދު ކުރީ އެމެރިކާގެ ކުރީގެ ބީހަމަ ނުޖެހޭ ރައީސް ޓްރަމްޕެވެ. އޭނާ ވަނީ ހިފާފައިވާ ގުދުސްއަށް އެމރިކާގެ އެމްބަސީ ބަދަލު ކޮށްފައެވެ.
ރައީސް ބައިޑެންގެ ސަރުކާރުން ވިސްނަމުން ދަނީ ގުދުސްގައި ހުންނަ އެމެރިކާގެ ކޮންސިއުލޭޓް އަދި މި ވަގުތަށް ހުޅުވުން ލަސް ކުރާށެވެ. އެމެރިކާއިން ކޮންސިއުލޭޓެއް ހިފާފައިވާ ގުދުސްގައި ހުޅުވުމަށް އިޒްރޭލުން ދެކޮޅު ހަދައެވެ. އިޒްރޭލުގެ ޚާރިޖީ ވަޒީރު ވިދާޅުވާ ގޮތުން އެމެރިކާއިން އިރުމަތީ ގުދުސްގައި ކޮންސިއުލޭޓް ހުޅުވުމުގެ ބަދަލުގައި ރާމަﷲގައި ކޮންސިއުލޭޓް ހުޅުވުން މާ ރަނގަޅުވާނެއެވެ.
