ސްރީލަންކާއިން ޗައިނާގެ ކުންފުންޏަކުން އެތެރެ ކުރި ގަސްކާނާ ބަލައިގަތުމަށް ދެކޮޅު ހެދީ އޭގައި ފަނިފަކުސަ ހުރިކަމަށް ތަހުލީލުތަކުން ދައްކައިގެންނެވެ. ޗައިނާއިން ފިއްތުމުގެ ސަބަބުން އެއްފަހަރަށް ވުރެން ގިނައިން މި ގަސްކާނާ ތަހުލީލު ކުރިއެވެ.
އާޚިރުގައި ސްރީލަންކާއަށް ގޮތް ހުސްވެގެން ގަސްކާނާގެ މި ޝިޕްމެންޓް ސްރީލަންކާއިން ބަލައި ގަތީއެވެ. އަދި މީގެ އަގަށްވާ 6.7 މިލިއަން އެމެރިކާ ޑޮލަރުވެސް ދެއްކީއެވެ.
މި ވާހަކަ މިހިސާބުން ނިންމާލާކަށް ޗައިނާ ކުންފުނިން ބޭނުމެއް ނުވެއެވެ. ސީވިން ބައޯޓެކް ކުންފުނިން ބޭނުން ވަނީ ޗައިނާ ސަރުކާރުން ސްރީލަންކާގެ އުފެއްދުންތަކާ ދެކޮޅަށް އިތުރު ފިޔަވަޅުތައް އަޅާށެވެ. އޭގެ ތެރޭގައި ސްރީލަންކާގެ ސައިފަތް ގަތުން ހުއްޓާލުން ހިމެނެއެވެ. އަދި އިތުރަށް ސީވިން ބައޮޓެކް އިން ބޭނުން ވަނީ ސްރީލަންކާއިން އެމީހުންނަށް ލިބުނު ގެއްލުމަށް ފައިސާ ދިނުމަށެވެ.
