ދިރާސާތަކުން ދައްކާ ގޮތުގައި މިހާރު ފެތުރެމުންދާ ކޮވިޑް19ގެ އޮމިކްރޮން ވައްތަރަކީ ބާރަށް ފެތުރޭ ބާވަތުގެ ވަރެހެކެވެ. ނަމަވެސް އޭގެ ކުރިން ދުނިޔެ ފަހަތަ ކުރަމުންދިޔަ ޑެލްޓާ ވޭރިއެންޓާ އެއްވަރަށް ނުރައްކާތެރި އެއްޗެއް ނޫން ކަމަށެވެ.
އޮމިކްރޯންއާ ހެދި ދުނިޔޭގައި ދުވާލެއްގެ މައްޗަށް ދެހާހާއި ތިންހާސް ފްލައިޓް ދަތުރު ކެންސަލް ކުރަމުން ދެއެވެ.
ދުނިޔޭގެ ސިއްހަތު ޖަމުއިއްޔާއިން ސިފަ ކުރާ ގޮތުގައި ސުނާމީއެއް ލައިގަންނަ ފަދައިން އޮމިކްރޯންގެ ރާޅުތައް ދަނީ ބިންދަމުންނެވެ.
ދެ ދުވަސްމަތިން ޖައްސަޖައްސައިގެން ފްރާންސުން ވަނީ ރެކޯޑް އަދަދަކަށް މީހުން ފައްސިވެފައިވާ ކަމަށް ބުނެފައެވެ. އެއް ދުވަހުން ދެ ލައްކަ އަށްހާސް މީހުން ފައްސި ވެފައި ވެއެވެ. ފްރާންސަކީ ޔޫރަޕްގެ އޮމިކްރޮންގެ ރެކޯޑެވެ.
އެމެރިކާއިން އެވަރެޖްކޮށް ދެ ލައްކަ ފަސްދޮޅަސް ފަސްހާސް ފައްސި ކެސް ރިޕޯޓް ކުރެއެވެ. ޑެންމާރކާއި ޕޯޗުގަލްއާއި އޮސްޓްރޭލިއާ އަދި ޔޫކޭއިންވެސް ގިނަ އަދަދަކަށް ފައްސި ކޭސްތައް ރިޕޯޓް ކޮށްފައި ވެއެވެ.
ޕޮލެންޑުން 794 މީހުން މަރުވެގެން ރިޕޯޓް ކޮށްފައި ވެއެވެ. މިއިން ގިނަ މީހުންނަކީ ވެކްސިން ޖަހާފައި ނެތް މީހުންނެވެ.
ރޮއިޓަރސްއާ ޙަވާލާދީ ބީބީސީން ބުނަނީ އެވަރެޖްކޮށް ދުނިޔެއިން ދުވާލަކަށް ނުވަ ލައްކަ އޮމިކްރޮން ކޭސް ރިޕޯޓް ކުރަމުން ގެންދެއެވެ.
މުއްސަނދި ގައުމުތަކުން ދަނީ ތިން ވަނަ ބޫސްޓާ ޑޯޒް ދިނުމަށް ތައްޔާރު ވަމުންނެވެ.
