ދަރިފުޅު އައީ ގެއަށް ވަންނާށެވެ. ބައްޕަ ހީކުރީ ވަގެއް ކަމަށެވެ. ބައްޕަގެ ބަޑިން އަމާޒުކޮށް ފޮނުވާލި އުންޑައިން އަބަދަށްތަކައި ދަރިފުޅު ދުނިޔެއަށް އަލްވަދާއުކީއެވެ.
ކަން ހިނގާފައި ވަނީ އެމެރިކާގެ އޮހާޔޯގައެވެ. މުނާސަބާއަކީ މީހުން އައު އަހަރު ފާހަގަ ކުރުމަށް ފުޅިކަނޑަމުން ދިޔަ މުނާސަބާއެވެ.
އެމެރިކާއަކީ ބަޑި ގެންގުޅުން ހުއްދަ ކުރުމަށް ބާރުއަޅާ ގިނަ ބަޔަކު އުޅޭ އާބާދީއެކެވެ. ވެރިކަމަށް އަންނަ މީހުންގެ ރިއާސީ ކެމްޕޭނަށް އެންމެ ގިނައިން ހޭދަކުރާނީ ނޭޝަނަލް ރައިފަލް އެސޯސިއޭޝަނުންނެވެ. އެހެންވެ، އެމީހުންނާ ދެކޮޅަށް ހަރުދަނާ ގާނޫނެއް ފާހެއް ނުކުރެވެއެވެ.
