އިޒްރޭލުގެ ތާރީޚް އިލްމުވެރިއަކަށް ދޭން ޖަރުމަންވިލާތުން ހަމަޖެއްސި އިނާމު ނުދޭ ގޮތަށް ނިންމައިފިއެވެ. ގީޑޮން ގްރީފްއަކީ، ޖަރުމަންވިލާތުން ޔަހޫދީންގެ ގިނަ ބަޔަކު މަރާލި ހާދިސާ ދިރާސާ ކުރާ ތާރީޚް އިލްމުވެރިއެކެވެ.
ޖަރުމަންވިލާތުގެ ރައީސް ފްރޭންކް ވޯލްޓަރ ސްޓެއިމާޔާ ވަނީ މިއިނާމު ޚާއސަ ރަސްމިއްޔާތެއްގައި ގްރީފަށް ދެއްވުމަށް ހަމަޖައްސަވާފައެވެ.
އޭނާއަށް އިނާމު ނުދޭން ޖަރުމަން ސަރުކާރުން ނިންމީ، މުސްލިމުންގެ އަށްހާސް ސަރބިޔާގެ ހަނގުރާމަވެރިން ސްރެބްނިޓްޒާގައި މަރާލި ހާދިސާއަށް އޭނާގެ ރިޕޯޓެއްގައި އިންކާރު ކުރުމުންނެވެ.
ސަރބުންގެ އުދުވާނީ އަމަލުތަކުގެ ޝަރީއަތްކުރި ބައިނަލްއަގްވާމީ ޓްރައިބިއުނަލުންވެސް ސިފަ ކޮށްފައި ވަނީ ސްރެބްނިޓްޒާގައި ހިންގާފައި ވަނީ ގަތުލުއާންމެއް ކަމަށެވެ. އަދި މި ގަތުލުއާންމަށް އިންކާރު ކުރުމަކީ ކުށެއްކަމަށް ވެސް ޓްރައިބިއުނަލުން ބުނެއެވެ.
