ފަލަސްތީނު މީހުންނާ ދެކޮޅުވެރި ސައިމަން ވައިޒެންޓާލް ސެންޓަރ އިން ކޮންމެ އަހަރަކު އެކުލަވާލާ ޔަހޫދީންނާ ދެކޮޅުވެރި ފަރާތްތަކުގެ 2021ގެ ލިސްޓްގައި ބީބީސީއާއި ފޭސްބުކްއާއި ޓިކްޓޮކްއާއި އެމެރިކާގެ މުސްލިމުންގެ ޖަމުއިއްޔާ ކެއަރއާއި، އީރާނާއި ހަމާސްއާއެކު ހިމަނައިފިއެވެ.
ނަން ކިޔައި ލަދު ގަންނަވާލުމަށްޓަކައި، އެމެރިކާގައި ހުންނަ ވައިޒެންޓާލް ސެންޓަރުން ކޮންމެ އަހަރަކު ޝާއިއުކުރާ ލިސްޓުގައި މިއަހަރުވެސް ދިހަ ފަރާތެއް ހިމަނާފައި ވެއެވެ.
މިއަހަރުގެ އާދަޔާ ޚިލާފް ލިސްޓްގައި ސަދަން ކެލިފޯނިޔާ ޔުނިވަރސިޓީއާއި ބެން އެންޑް ޖެރީ އައިސްކްރީމް މާކެޓް ކުރާ ޔުނިލިވަރ ކުންފުނިވެސް ހިމަނާފައި ވެއެވެ.
ޔަހޫދީ ޖަމާއަތްތަކުގެ ތެރޭން ޖުއިޝް ވޮއިސް ފޯރ ޕީސް ޖަމާއަތްވެސް ޔަހޫދީންނާ ދެކޮޅުވެރި ބައެއްގެ ގޮތުގައި ލިސްޓް ކޮށްފައި ވެއެވެ.
