ޕާކިސްތާންގައި ކޮރަޕްޝަންގެ އަމަލު ހިންގާފައިވާ އެންމެންގެ ޚިޔާނާތާއި ބޮޑު ވަޒީރު އިމްރާން ޚާންގެ ޚިޔާނާތް އަޅައި ކިޔައިފިނަމަ އަދިވެސް ބޮޑު ވާނީ އިމްރާން ޚާންގެ ޚިޔާނާތްކަމަށް ޖަމުއިއްޔަތޭ އުލަމާއޭ އިސްލާމްގެ ރައީސް ފަޒުލުއްރަޙުމާން ވިދާޅުވެއެވެ.
ފަޒުލުއްރަޙުމާން މިފަދައިން ވާހަކަ ދައްކަވާފައި ވަނީ ޕާކިސްތާންގެ ވެރިކަން ކުރާ ތަޙްރީކޭ އިންސާފް ޕާޓީއަށް ބޭރުން ލިބިފައިވާ އެތައް މިލިއަން ޑޮލަރެއް ހާމަނުކޮށް އެޕާޓީން ސިއްރުކޮށްފައިވާ ކަމަށް ޕާކިސްތާން އިލެކްޝަންގެ ކޮމިޝަނުން ހާމަ ކުރުމާ ގުޅިގެންނެވެ.
އިލެކްޝަން ކޮމިޝަނާ ޙަވާލާދީ ފަޒުލުއްރަޙުމާން ވިދާޅުވީ އިމްރާން ޚާން ސިއްރު 53 އެކައުންޓެއް ގެންގުޅުއްވާ ކަމަށެވެ. އަދި ބޭރުން ލިބިފައިވާ ފައިސާ މިއެކައުންޓްތަކުގައި ގެންގުޅުއްވާ ކަމަށެވެ. ޖިއޯ ނިއުސްއިން އޭނާއާ ޙަވާލާދީ ބުނެފައި ވަނީ ތަޙްރީކޭ އިންސާފް ޕާޓީއަކީ ވަގުންގެ ޕާޓީއެއްކަމަށް އޭނާ ސިފަ ކުރެއްވި ކަމަށެވެ.
