މަތީ ތައުލީމު ޙާސިލުކުރުމަށް އެންމެ ފެންވަރު ރަނގަޅު ޓެކްނިކަލް ޔުނިވަރސިޓިއަޖކުން ފުރުސަތު ލިބުނެވެ. އެކަމަކު ހުރިހައި މާއްދާއަކުންވެސް މީހާ ފެއިލްވީއެވެ. ރަގޫރާމް އާނަންތޯޖްއަކީ، ފޮތާ ދުރު މީހެއް ނޫނެވެ. އޭނާ ކިޔާ ހިތް ނުވާ ފޮތަކީ ޓެކްސްޓް ފޮތެވެ. ހުރިހައި މާއްދާއަކުން ފެއިލްވި އިރުވެސް އޭނާ ވާހަކަ ފޮތް ކިޔައި ހެއްޖެވެ.
ފަހުން އޭނާ ވަނީ ދުނިޔޭގެ 15 ގައުމަކަށް ދަތުރުކޮށްފައެވެ. އެއިން 10 ގައުމެއްގައި އޭނާ ވަޒީފާ އަދާ ކުރިއެވެ.
މިއަދު ރަގޫރާމްއަކީ ޒުވާނުން ފޮތް ކިޔުމަށް ޝައުގިވެރި ކުރުވައި ފޮތަށް ލޯބި ޖެއްސުމަށް މަސައްކަތް ކުރާ މީހެކެވެ.
އޭނާގެ އެންޖީއޯ ރީޑް އިންޑިއާ ސެލެބްރޭޝަން އަކީ 2014 އިން ފެށިގެން ފޮތަށް ޒުވާނުން ޝައުގުވެރި ކުރުމުގެ މަސައްކަތުގައި އުޅޭ އެންޖީއޯއެކެވެ.
އޭނާ ބުނާ ގޮތުން އޭނާ މަސައްކަތް ކުރަނީ ޒުވާނުން ފޮތް ކިޔުމަށްފަހު ތިންކަމަކަށް ސަމާލުކަން ދިނުމަށެވެ. އެއީ، ކިޔާށެވެ! ވިސްނާށެވެ! އަމަލުކުރާށެވެ! މިތިން ކަމަށެވެ.
ޒުވާނުންނަކީ ފޮތް ކިޔުމަފަހު މޮޅެތި ބޮޑެތި ޚިޔާލާތާއި ފިކުރު އެމީހުންގެ ސިކުނޑީގައި އަށަގަންނަ ބައެކެވެ. އެހެންވެ، ރަގޫރާމް ޒުވާނުން ހޭލުންތެރިކޮށްދެނީ، ވިސްނުމަށްފަހު އެމީހުންގެ ޚިޔާލުތަކަށް އަމަލީ ސިފަ ގެންނާނެ ގޮތާ ބެހޭ ގޮތުންނެވެ.
