ތުރުކީ ރައީސްގެ އުރުދުޣާންގެ މިސްރާބު ހުރީ ކޮން ދިމާއަކަށް ހެއްޔެވެ؟ އޭނާގެ ކުރިން އެމަގުން ހިންގެވި އަޑުގަދަ މުސްލުމު ރައީސުން ކަމަށްވާ ސައްދާމު ޙުސައިންއާއި މުއައްމަރު ގައްޒާފީ ވަނީ ނިކަމެތި ހާލުގައި ފަހު ވަގުތު އުޅުއްވާފައެވެ.
އުރުދުޣާން ވަނީ އޭނާގެ ގައުމުގެ އެއްނަންބަރު ދުޝްމަނަކީ އެމެރިކާ ޑޮލަރު ކަމުގައި ކަނޑައަޅުއްވާފައެވެ. މި ފިޔަވަޅާއެކު އަގު ވެއްޓެމުންދިޔަ ތުރުކީ ލީރާގެ އަގު 30 އިންސައްތައަށް މަތި ވެގެން ދިޔައެވެ.
އެއަށްފަހު އޭނާ ވަނީ ތުރުކީ އެފްރިކާގެ އެއްބައިވަންތަކަމުގެ ސަމިޓެއް ބާއްވަވާފައެވެ.
އެއަށްފަހު އޭނާ ވަނީ ތުރުކީ ބަހުން ވާހަކަ ދައްކާ ގައުމުތަކުގެ ސަމިޓެއް ބާއްވަވާފައެވެ. ދުނިޔޭގައި 300 މިލިއަން މީހުން ތުރުކީ ބަހުން ވާހަކަ ދައްކައެވެ. ހަ ގައުމަކީ ތުރުކީ ދަރިކޮޅުގެ މީހުން ތިބި ގައުމެވެ. އިސްލާމީ އެއްބައިވަންތަ ކަމަށް ތުރުކީން މި ގައުމުތައް އިއްތިހާދު ކުރަނީ ކަމަށް އުރުދުޣާން ވިދާޅުވެއެވެ.
