އިޒްރޭލުން ފަލަސްތީނު މީހުންނާ ދޭތެރޭ ކަންތައްތައް ކުރާ ގޮތާއި އިޒްރޭލުން ފަލަސްތީނުގެ ބިންތައް ވަގަށް ނަގަމުންދާ މައްސަލާގައި ބަހުސް ކުރުމަށް މިދިޔަ މަހު ޓެލްއަވީވަށް ޒިޔާރަތް ކުރި ޔޫރަޕްގެ ޖަމާއަތާއި އިނގިރޭސިވިލާތުގެ ވަފްދުގެ ބައްދަލު ވުން ނިމުނީ އެއްބަޔަކު އަނެއް ބަޔަކަށް ޒުވާބު ކޮށް އައުގުރާނަ ގޮވައިގެންނެވެ.
އިޒްރޭލުގެ ވައްލާ ނިއުސްއިން ރިޕޯޓް ކޮށްފައިވާ ގޮތުގައި މި ވަފްދުގައި އެތައް އެމްބެސެޑަރަކާއި ޔޫރަޕްގެ ޑިޕްލޮމޭޓިން ހިމެނުނެވެ. ބައްދަލުވުން ބާއްވާފައި އޮތީ އިޒްރޭލުގެ ފޮރިން މިނިސްޓްރީގައެވެ.
އިޒްރޭލުގެ ފަރާތުން ބައްދަލުވުމުގައި އިސްކޮށް އިނީ، ކުރިން ފްރާންސްގައި ހުރި އިޒްރޭލުގެ އަންހެން އެމްބެސެޑަރު އަލީޒާ ބިން ނޫންއެވެ.
ބައްދަލުވުމުގައި އިރުމަތީ ގުދުސްއާއި ހުޅަނގު އައްސޭރިން އިޒްރޭލުން ބިން ވަގަށް ނަގާ ވާހައާއި ޣައްޒާގައި އިޒްރޭލުން ފަލަސްތީނު މީހުންނާ މުއާމަލާތު ކުރާ ގޮތާއި ގަދަކަމުން ފަލަސްތީނުގެ ބިން ހިފައިގެން އުޅޭ ޔަހޫދީން ފަލަސްތީން މީހުންނަށް ދުއްޕާކުރާ ކަމުގެ ޝަކުވާތައް ކުރަން ފެށުމުން އެލީޒާ ބިން ނޫން ރުޅިގަދަވިއެވެ.
ޔޫރަޕްގެ ވަފްދާ ދިމާއަށް ހަލޭއް ލަވަމުން އޭނާ ބުނަން ފެށީ އަހަރަމެން ފަލަސްތީނު މީހުންނަށް ރަނގަޅަށް ކަންކަން ކޮށްދޭ އިރު އަހަރަމެންގެ ޝަކުވާ ކުރުމުން އަހަރެން ފޫހިވެ ރުޅިގަދަ ވެއްޖެ ކަމަށެވެ.
ވައްލާ އިން ބުނާ ގޮތުން މި ބައްދަލުވުން ޒުވާބަކަށް ބަދަލުވެ، އައުގުރާނަ ގޮވައިގެން ބައްދަލުވުން ނިމިގެން ދިޔައީއެވެ. މިއީ ޑިޕްލޮމެޓިކް އާދަކާދައިގެ ކަންފުޅެއްވެސް އިޒްރޭލުން ފެނިގެން ދިޔަ ބައްދަލުވުމެއް ނޫންކަމަށް ހިބްރޫ ބަހުން ޝާއިއުކުރާ ވައްލާ ނޫހުން ބުނެއެވެ.
އިޒްރޭލު ޕާލަމެންޓްގައިވެސް އައުގުރާނަ ގޮވުމަކީ އާންމު ކަމެކެވެ. މި މަހުގެ 5 ވަނަ ދުވަހުގައިވެސް އިޒޒްރޭލު ބޮޑު ވަޒީރު ބެނެޓްއާއި ބައެއް މެމްބަރުންނާ ދެމެދު ހިނގި ޒުވާބެއްގައި ހަޑިހުތުރު އެއްޗެތި ކިޔާފައި ވެއެވެ.
ވައްލާ ނޫހުން ލިޔުނު ރިޕޯޓެއްގައި ބުނެފައި ވަނީ އިޒްރޭލު ޕާލަމެންޓްގެ މެމްބަރުން އަނގަ ދޮންނަން ތަޅުން ސާފުކުރަން ބޭނުން ކުރާ ބޭސް ފުޅިއެއް ކޮންމެ މެމްބަރަކަށް ދޭން ޖެހޭނެ ކަމަށެވެ.
