ސައޫދީ އަރަބިއްޔާއާއެކު ކޮންމެ އިރަކުންވެސް އަލުން ގުޅުން ގާއިމް ކުރުމަށް އީރާނުން ތައްޔާރަށް އޮތް ކަމަށް ތެހެރާނުން ބުނެފިއެވެ. އީރާންގެ ޚާރިޖީ ވަޖީރު ޙުސައިން އާމިރު އަބްދުﷲއާން (ފޮޓޯގައި) ވިދާޅުވެފައި ވަނީ ސަރަހައްދަށްވެސް އެންމެ ރަގަޅު ވާނީ އީރާނާއި ސައޫދީއާއި މިސްރާއި ތުރުކީން ބައިވެރިވާ ފުޅާ ދާއިރާއެއްގެ މަޝްވަރާތައް ބޭއްވުން ކަމަށެވެ.
އީރާނުން ވަނީ އީރާނާ ދެކޮޅަށް އިޒްރޭލަށް ތާއީދުކުރާ ގައުމުތައް ދާދި ފަހުން ބިރު ގަންނަވާލާފައެވެ. ތެހެރާނުން ބުނެފައި ވަނީ އިޒްރޭލުން އީރާނާ ދެކޮޅަށް މިސައިލް ނުވަތަ ވައިގެ ހަމަލައެއް ދޭނަމަ އެ ހަމަލައަކަށްޓަކައި ސަރަހައްދުގެ އަރަބި ގައުމެއް ބޭނުން ކޮށްފިނަމަ އިޒްރޭލާއެކު އެގައުމަކަށްވެސް ހަމަލަ ދޭނެ ކަމަށެވެ.
އަނެއްކޮޅުން ސައޫދީ މިހާރު ލިސްޓް ވަމުން ދަނީ އެމެރިކާގެ ނުރުއްސަވާ ލިސްޓްގައެވެ.
ސީއެންއެން އިން ތުހުމަތު ކުރާ ގޮތުގައި މަނާކޮށްފައިވާ ދުރު ރާސްތާއަށް ދަތުރުކުރާ ބެލެސްޓިކް މިސައިލް އުފެއްދުމުގައި ބައިނަލްއަގްވާމީ ގާނޫނާ ޚިލާފަށް ސައޫދީން ދަނީ ޗައިނާގެ އެހީތެރިކަން ހޯދައި މަސައްކަތް ކުރަމުންނެވެ.
